ଜୟପୁର: ଦେଶରେ କୋରୋନାର ଦ୍ବିତୀୟ ଲହରୀର କରାଳ ରୂପ ଦେଖିବାକୁ ମିଳିଛି । ସଂକ୍ରମଣ ବଢିବା ଯୋଗୁଁ ସ୍ବାସ୍ଥ୍ୟବସ୍ଥାର ବିକଳ ଚିତ୍ର ସାମ୍ନାକୁ ଆସିବାରେ ଲାଗିଛି । ଗୋଟିଏ ବେଡରେ 2 ରୁ 3 ରୋଗୀ ପଡିବା ସହ ହସ୍ପିଟାଲ ବାହାରେ ଆମ୍ବୁଲାନ୍ସର ଲମ୍ବା ଲାଇନ । ସ୍ଥିତି ଦିନକୁ ଦିନ ଭୟଙ୍କର ହେବାରେ ଲାଗିଥିବାବେଳେ ରାଜନୈତିକ କାର୍ଯ୍ୟକ୍ରମ, ରାଲିର , ରୋଡ ଶୋ’ ବନ୍ଦ ହେବା ଦରକାର । ଏହା ସହ ତୁରନ୍ତ ସବୁ ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରିବାକୁ ରାଜସ୍ଥାନ ମୁଖ୍ୟମନ୍ତ୍ରୀ ପ୍ରଧାନମନ୍ତ୍ରୀଙ୍କୁ ନିବେଦନ କରିଛନ୍ତି ।
ଦେଶରେ କୋରୋନାର ଦୈନିକ ସଂକ୍ରମଣ 2 ଲକ୍ଷ ଅତିକ୍ରମ କରୁଛି । କୋରୋନା ମୃତ୍ୟୁ ସଂଖ୍ୟା ବଢିବାରେ ଲାଗିଛି । ବେଲଗାମ ବଢୁଥିବା ସଂକ୍ରମଣ ଓ ବେକାବୁ ହେଉଥିବା ସ୍ଥିତିକୁ ନିୟନ୍ତ୍ରଣ ଆଣିବାକୁ ଗତକାଲି ଅଶୋକ ଗେହଲଟ ଟ୍ବିଟ କରି ପିଏମଙ୍କୁ ନିବେଦନ କରିଛନ୍ତି ।
ଦିଲ୍ଲୀ, ଗୁଜୁରାଟ, ମଧ୍ୟପ୍ରଦେଶ, ୟୁପି , ହରିୟାଣା ଓ ପଞ୍ଜାବ ଅପେକ୍ଷା ରାଜସ୍ଥାନ ଭଲ ସ୍ଥିତିରେ ରହିଛି । କିନ୍ତୁ ଯେଉଁଭଳି ଭାବରେ ସଂକ୍ରମଣ ବ୍ୟାପିବାରେ ଲାଗିଛି, ରାଜସ୍ଥାନ ଲୋକଙ୍କ ପାଇଁ ଚିନ୍ତା ବଢାଇଛି । ରାଜସ୍ଥାନକୁ ଏହାକୁ ନିୟନ୍ତ୍ରଣ କରିବାକୁ ସମସ୍ତ ପ୍ରୟାସ କରୁଛି ବୋଲି ଗେହଲଟ କହିଛନ୍ତି ।
ଏହା ପୂର୍ବରୁ ରାଜସ୍ଥାନ ମୁଖ୍ୟମନ୍ତ୍ରୀ ରାଜ୍ୟରେ କୋରୋନା ଟିକା ଅଭାବ ନେଇ କେନ୍ଦ୍ର ସରକାର ଓ ପ୍ରଧାନମନ୍ତ୍ରୀଙ୍କୁ ଟାର୍ଗେଟ କରିଥିଲେ । ବର୍ତ୍ତମାନ ରାଜନୈତି ରାଲି, ସଭାଯାତ୍ରା ଓ ରୋଡ ଶୋ’ ବନ୍ଦ କରିବାକୁ କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
