ଅମରାବତୀ: ଆନ୍ଧ୍ରପ୍ରଦେଶର ଚିତ୍ତୋର ଜିଲ୍ଲାର ଅତିପଲ୍ଲୀ ଅଞ୍ଚଳରେ ମର୍ମନ୍ତୁଦ ସଡକ ଦୁର୍ଘଟଣାରେ 7 ମୃତ । କଲଭର୍ଟରେ ପିଟିହୋଇ କାର ଜଳିଯିବା ଫଳରେ କାରରେ ଥିବା ୬ଜଣ ଘଟଣାସ୍ଥଳରେ ଜୀବନ୍ତ ଦଗ୍ଧ ହୋଇ ପ୍ରାଣ ହରାଇବା ସହ ୩ଜଣ ଗମ୍ଭୀର ଭାବେ ଆହତ ହୋଇଛନ୍ତି । ମୃତକଙ୍କ ମଧ୍ୟରେ ଜଣେ ଶିଶୁ ମଧ୍ୟ ରହିଛି । ୩ ଆହତଙ୍କୁ ଉଦ୍ଧାର କରି ତିରୁପତି ହସ୍ପିଟାଲରେ ଭର୍ତ୍ତି କରାଯାଇଥିବାବେଳେ ସେମାନଙ୍କ ମଧ୍ୟରେ ଜଣଙ୍କ ଅବସ୍ଥା ସଙ୍କଟାପନ୍ନ ରହିଥିବା ମଧ୍ୟ ଜଣାପଡିଛି ।
ସ୍ଥାନୀୟ ପୋଲିସ ପକ୍ଷରୁ ମିଳିଥିବା ସୂଚନା ଅନୁସାରେ, ମୃତକମାନେ ସମ୍ପର୍କୀୟ ହୋଇଥିବାବେଳେ ବିଜୟାନଗର ଜିଲ୍ଲାର ବାସିନ୍ଦା ବୋଲି ପ୍ରାଥମିକ ଭାବେ ଅନୁମାନ କରାଯାଉଛି । AP 39 HA 4003 ନମ୍ବର ବିଶିଷ୍ଟ ଏକ କାରରେ ଏମାନେ ଯାତ୍ରା କରୁଥିବାବେଳେ କାରଟି ଭାରସାମ୍ୟ ହରାଇ କଲଭର୍ଟରେ ପିଟି ହୋଇଯାଇଥିବା ଅନୁମାନ କରାଯାଉଛି । ଧକ୍କା ହେବା ପରେ କାରର ଇଞ୍ଜିନରେ ନିଆଁ ଲାଗି ଯାଇଥିଲା । କାରରେ ଥିବା ଯାତ୍ରୀଙ୍କ ମଧ୍ୟରୁ 6ଜଣ ଘଟଣାସ୍ଥଳରେ ହିଁ ଜୀବନ୍ତ ପୋଡି ହୋଇ ପ୍ରାଣ ହରାଇଛନ୍ତି । ଅନ୍ୟ ଆହତମାନେ ଚିକିତ୍ସିତ ହେଉଥିବାବେଳେ ପୋଲିସ ଦୁର୍ଘଟଣାର ତଦନ୍ତ ଆରମ୍ଭ କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
