ମୁମ୍ବାଇ: ଓଲଟିଲା ଆଇରନ ରଡ ବୋଝେଇ ଟିପ୍ପର । ଦୁର୍ଘଟଣାରେ 13 ଶ୍ରମିକଙ୍କ ମୃତ୍ୟୁ । ଶୁକ୍ରବାର ମହାରାଷ୍ଟ୍ର ବୁଲଦାନା ଜିଲ୍ଲା ଅଞ୍ଚଳରେ ଘଟିଛି ଏହି ମର୍ମନ୍ତୁଦ ସଡକ ଦୁର୍ଘଟଣା । ସମସ୍ତ ମୃତକଙ୍କ ଘର ଉତ୍ତରପ୍ରଦେଶ ଓ ବିହାରରେ ହୋଇଥିବା ଜଣାପଡିଛି । ଗୁରୁତରଙ୍କୁ ମେଡିକାଲରେ ଭର୍ତ୍ତି କରାଯାଇଛି ।
ସୂଚନାଯୋଗ୍ୟ, ଶୁକ୍ରବାର ପୂର୍ବାହ୍ନ ପ୍ରାୟ 2ଟା ସମୟରେ ଏହି ଅଘଟଣ ଘଟିଛି । ଦୁର୍ଘଟଣା ସମୟରେ ଟିପ୍ପରରେ ପ୍ରାୟ 16 ଜଣ ଶ୍ରମିକ ଥିଲେ । ଯେଉଁଥିରୁ 8 ଜଣଙ୍କ ଘଟଣାସ୍ଥଳରେ ମୃତ୍ୟୁ ଘଟିଥିବାବେଳେ ଚିକିତ୍ସାଧୀନ ଅବସ୍ଥାରେ ଅନ୍ୟ 5 ଜଣ ଆଖି ବୁଜିଛନ୍ତି । ମୃତକମାନେ ସମସ୍ତେ ଶ୍ରମିକ ଥିଲେ । ଦୁର୍ଘଟଣାଗ୍ରସ୍ତ ଆଇରନ ରଡ ବୋଝେଇ ଟିପ୍ପର ବୁଲଦାନାସ୍ଥିତ କୌଣସି ହାଇୱେ ନିର୍ମାଣ କାର୍ଯ୍ୟ ପାଇଁ ଶ୍ରମିକଙ୍କୁ ନେଇ ଯାଉଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
