ସିମଲା: ବାଣ ଫ୍ୟାକ୍ଟ୍ରିରେ ବିସ୍ଫୋରଣ । ୬ ଜଣ ଜୀବନ୍ତ ଦଗ୍ଧ ହୋଇଯାଇ ଥିବାବେଳେ ୧୦ ରୁ ୧୫ ଜଣ ଗୁରୁତର(6 killed, several injured in blast at cracker factory) । ଆଜି ହିମାଚଳ ପ୍ରଦେଶର ଉନ୍ନାରେ ଏହି ଅଘଟଣ ଘଟିଛି । ବାଣ ଫ୍ୟାକ୍ଟ୍ରିରେ ବିସ୍ଫୋରଣ ଯୋଗୁଁ ୬ ଜଣଙ୍କ ମୃତ୍ୟୁ ଘଟିଛି । ବର୍ତ୍ତମାନ ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରହିଛି ।
ପ୍ରାପ୍ତ ସୂଚନା ଅନୁସାରେ, ଉନ୍ନା ହରୋଲି ଟାହଲିବାଲ ଅଞ୍ଚଳରେ ଥିବା ଏକ ବାଣ ଫ୍ୟାକ୍ଟ୍ରିରେ ବିସ୍ଫୋରଣ ହୋଇଛି । ବିସ୍ଫୋରଣ ପରେ ଫ୍ୟାକ୍ଟ୍ରିରେ ନିଆଁ ଲାଗି ଯାଇଛି । ନିଆଁ ସଂସ୍ପର୍ଶରେ ଆସିବା କାରଣରୁ ୬ ଜଣ ଆଖି ବୁଜିଥିବାବେଳେ ୧୦ ରୁ ୧୫ ଜଣ ସଙ୍କଟାପନ୍ନ ଅବସ୍ଥାରେ ମେଡିକାଲରେ ଭର୍ତ୍ତି ହୋଇଛନ୍ତି । କିଛି ଜଣଙ୍କ ଅବସ୍ଥା ଅତି ଗୁରୁତର ଥିବାରୁ ଆଗକୁ ମୃତ୍ୟୁସଂଖ୍ୟା ବଢିବ ବୋଲି ଆଶଙ୍କା କରାଯାଉଛି । ତେବେ ବିସ୍ଫୋରଣର କାରଣ ଏଯାଏଁ ଅସ୍ପଷ୍ଟ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
