ଚଣ୍ଡିଗଡ: ଦେଶର ୫୧୨ ଜିଲ୍ଲାରେ ପାର୍ଟି ଅଫିସ ଖୋଲିବ ବିଜେପି । ଗତକାଲି ଗୁରୁଗ୍ରାମରେ ନୂଆ ପାର୍ଟି ଅଫିସ ଉଦଘାଟନ କରିବା ସମୟରେ ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ଏହି ଘୋଷଣା କରିଥିଲେ । ଏପର୍ଯ୍ୟନ୍ତ ଦେଶରେ ୨୧୫ ଜିଲ୍ଲାରେ ବିଜେପି କାର୍ଯ୍ୟାଳୟ ରହିଛି ଏବଂ ୧୬୩ ଜିଲ୍ଲାରେ ଏବେ କାମ ଜାରି ରହିଥିବା କହିଥିଲେ ଜେପି ନଡ୍ଡା ।
ଗତକାଲି ଡ. ବି ଆର ଆମ୍ବେଦକରଙ୍କ ଜୟନ୍ତୀ ଅବସରରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ହରିୟାଣାର ଗୁରୁଗ୍ରାମରେ ପାର୍ଟି କାର୍ଯ୍ୟାଳୟ 'ଗୁରୁକମଲ'ର ଉଦଘାଟନ କରିଥିଲେ । ଏହି ଅବସରରେ ସେ ଦେଶର ୫୧୨ଟି ଜିଲ୍ଲାରେ ପାର୍ଟି ଅଫିସ୍ ଖୋଲିବାକୁ ଥିବା ଯୋଜନା ବିଷୟରେ ସୂଚନା ଦେଇଥିଲେ । ଏହି କାର୍ଯ୍ୟକ୍ରମରେ ସେ ମୋଦି ସରକାରଙ୍କ ଯୋଜନା ବିଷୟରେ ଲୋକଙ୍କୁ ଅବଗତ କରାଇଥିଲେ ।
ଦେଶରେ ୧୧ କୋଟି ଶୌଚାଳୟ ନିର୍ମାଣ କରି ପ୍ରଧାନମନ୍ତ୍ରୀ ଲୋକଙ୍କୁ ସମ୍ମାନର ସହ ବଞ୍ଚିବାର ଅଧିକାର ଦେଇଛନ୍ତି । ଉଜ୍ବଳା ଯୋଜନା ଅନୁଯାୟୀ ୧୦କୋଟି ଗରିବ ମହିଳାଙ୍କୁ ମାଗଣା ଗ୍ୟାସ ସିଲିଣ୍ଡର ଦିଆଯାଇଛି । ଏହି କାର୍ଯ୍ୟକ୍ରମରେ ହରିୟାଣା ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର ଆର୍ଥିକ ଅସୁବିଧାର ସମ୍ମୁଖୀନ ହେଉଥିବା ଛାତ୍ରଙ୍କୁ ହରିୟାଣା ସରକାର ସହଯୋଗ କରିବେ ବୋଲି ଘୋଷଣା କରିଥିଲେ।
