ଡେରାଡୁନ: ଉତ୍ତରାଖଣ୍ଡରେ ବଦଳିବାକୁ ଯାଉଛି ରାଜନୈତିକ ଇତିହାସ । କାରଣ ବିଜୟୀ ହେବା ପାଇଁ ମ୍ୟାଜିକ ନମ୍ବରର ଖୁବ ନିକଟର ବିଜେପି ସରକାର । ବିଜେପି ବିଜୟୀ ହେଲେ ଦ୍ବିତୀୟ ଥର ପାଇଁ ଗଢିବ ସରକାର । ରାଜ୍ୟରେ ନିର୍ବାଚନ ଇତିହାସରେ କୌଣସି ଦଳ ଲଗାତାର ଦ୍ବିତୀୟ ଥର କ୍ଷମତା ହାସଲ କରିନାହାଁନ୍ତି । କିନ୍ତୁ ଉତ୍ତରପ୍ରଦେଶର ପଞ୍ଚମ ବିଧାନସଭା ନିର୍ବାଚନରେ ବିଜେପି ଏହି ଇତିହାସକୁ ଭାଙ୍ଗିବାକୁ ଯାଉଛି । 2022 ବିଧାନସଭା ନିର୍ବାଚନରେ ବିଜୟର ନିକଟତର ହୋଇଥିବା ବିଜେପି ପୁଣିଥରେ ସରକାର ଗଠନ କରିବା ଦୌଡ଼ରେ ଆଗେଇ ଚାଲିଛି ।
ରାଜ୍ୟ ଗଠନ ପରେ ପ୍ରଥମ ବିଧାନସଭା ନିର୍ବାଚନ ୨୦୦୨ ରେ ହୋଇଥିଲା ଓ କଂଗ୍ରେସ ଏଠାରେ ସରକାର ଗଢିଥିଲା । ୨୦୦୭ ବିଧାନସଭା ନିର୍ବାଚନରେ ବିଜେପି ସରକାର ଗଢିଥିଲା ଓ ୨୦୧୨ ନିର୍ବାଚନରେ କଂଗ୍ରେସ ଏବଂ ୨୦୧୭ରେ ପୁଣି ବିଜେପି ହାତେଇଥିଲା ଉତ୍ତରାଖଣ୍ଡ ଗାଦି । ରାଜ୍ୟ ଗଠନ ହେବା ପରେ ୨୦ ବର୍ଷ ପର୍ଯ୍ୟନ୍ତ ଉଭୟ କଂଗ୍ରେସ ଓ ବିଜେପି ସରକାର ଗଠନ କରିଥିଲେ । କିନ୍ତୁ ୨ ଥର ଲଗାତାର କୌଣସି ଦଳ ସରକାର ଗଠନ କରିନାହାନ୍ତି । ତେବେ ଚଳିତ ନିର୍ବାଚନରେ ବିଜେପି ମ୍ୟାଜିକ ନମ୍ବରର ନିକଟତର ଥିବାରୁ ଏହା ୨ୟ ଥର ସରକାର ଗଠନ କରିବାକୁ ଯାଉଛି ।
ଏହା ସହିତ ଏହି ବିଧାନସଭା ନିର୍ବାଚନରେ ଶିକ୍ଷା ମନ୍ତ୍ରୀଙ୍କୁ ନେଇ ଜାରି ରହିଥିବା ରେକର୍ଡ ମଧ୍ୟ ଭାଙ୍ଗି ଯାଇଛି । 2000 ମସିହାରେ ତିରଥ ସିଂ ରାୱତ ବିଜେପି ସରକାରରେ ଶିକ୍ଷା ମନ୍ତ୍ରୀ ହୋଇଥିଲେ ମଧ୍ୟ 2002 ନିର୍ବାଚନରେ ବିଧାନସଭା ନିର୍ବାଚନରେ ହାରି ଯାଇଥିଲେ। ଏହାପରେ 2002 ମସିହାରେ ରାଜ୍ୟରେ ND ତିୱାରୀଙ୍କ ସରକାର ଗଠନ କରାଯାଇଥିଲା । ନରେନ୍ଦ୍ର ସିଂ ଭଣ୍ଡାରୀ ତିୱାରୀ ସରକାରରେ ଶିକ୍ଷାମନ୍ତ୍ରୀ ହୋଇଥିଲେ ଏବଂ ସେ 2007 ରେ ନିର୍ବାଚନରେ ହାରି ଯାଇଥିଲେ ।
2007 ରେ ବିଜେପି ପୁନର୍ବାର କ୍ଷମତାକୁ ଆସିଲା । ସେତେବେଳେ ଗୋବିନ୍ଦ ସିଂ ବିଷ୍ଟ ଏବଂ ଖଜାନ ଦାସ ଶିକ୍ଷା ମନ୍ତ୍ରୀ ହୋଇଥିଲେ ମଧ୍ୟ 2012 ରେ ବିଧାନସଭା ନିର୍ବାଚନରେ ଉଭୟ ହାରି ଯାଇଥିଲେ। 2012 ମସିହାରେ କଂଗ୍ରେସ କ୍ଷମତାକୁ ଆସିଲା ଏବଂ ଦେବପ୍ରୟାଗ ବିଧାନସଭା ନିର୍ବାଚନମଣ୍ଡଳୀରୁ ବିଧାୟକ ହୋଇଥିବା ମନ୍ତ୍ରୀ ପ୍ରସାଦ ନୈଥାନୀଙ୍କୁ ଶିକ୍ଷା ମନ୍ତ୍ରୀ କରାଯାଇଥିଲା । କିନ୍ତୁ 2017 ନିର୍ବାଚନରେ ସେ ହାରିଥିଲେ । ତେବେ ଏହି ନିର୍ବାଚନରେ ଜିତି ଧାମି ସରକାରରେ ଶିକ୍ଷାମନ୍ତ୍ରୀ ଅରବିନ୍ଦ ପାଣ୍ଡେ ବିଜୟୀ ହୋଇ ଗତ ନିର୍ବାଚନ ଠାରୁ ଚାଲିଆସୁଥିବା ଇତିହାସକୁ ଭାଙ୍ଗି ଦେଇଛନ୍ତି ।
ବିଜୟୀ ହୋଇଥିବା ଦଳ
- ୨୦୦୨- କଂଗ୍ରେସ
- ୨୦୦୭- ବିଜେପି
- ୨୦୧୨- କଂଗ୍ରେସ
- ୨୦୧୭- ବିଜେପି
- ୨୦୨୨- ବିଜେପି(ସରକାରୀ ଘୋଷଣାକୁ ଅପେକ୍ଷା)
ବ୍ୟୁରୋ ରିପୋର୍ଟ, ଇଟିଭି ଭାରତ
