ନୂଆଦିଲ୍ଲୀ: ସଂସଦ ଶୀତ ଅଧିବେଶନର (Parliament Winter Session) ପଞ୍ଚମ ଦିନରେ ବି ବିକ୍ଷୋଭ ଜାରି ରହିଛି । କେତେବେଳେ ନିଲମ୍ବିତ ରାଜ୍ୟସଭା ସଦସ୍ୟ ତ କେତେବେଳେ ବିରୋଧୀଙ୍କ ବିକ୍ଷୋଭରେ କମ୍ପୁଛି ପରିସର । ଆଜି ବି ଗୃହକାର୍ଯ୍ୟ ଆରମ୍ଭରୁ ବିରୋଧୀଙ୍କ ହଟ୍ଟଗୋଳ ଦେଖିବାକୁ ମିଳିଛି । ବିରୋଧୀଙ୍କ ଅଶାନ୍ତ ଆଚରଣକୁ ବିରୋଧ କରି ବିଜେପି ସାଂସଦମାନେ (BJP MPs protest at Parliament) ଧାରଣା ଦେଇଛନ୍ତି ।
ଶୀତ ଅଧିବେଶନ ଆରମ୍ଭରୁ ଉଭୟ ଗୃହ ଲଗାତାର ଭାବରେ ଅଶାନ୍ତ ରହିଛି । ବିରୋଧୀଙ୍କ ହୋ ହାଲ୍ଲା ପାଇଁ ବାରମ୍ବାର ଗୃହ କାର୍ଯ୍ୟକୁ ମୁଲତବୀ ରଖିବାକୁ ପଡୁଛି । ବିରୋଧୀଙ୍କ ଏହି କାର୍ଯ୍ୟକୁ ବିରୋଧ କରି ହାତରେ ପ୍ଲା କାର୍ଡ ଧରି ଆଜି ଧାରଣାରେ ବସିଛନ୍ତି ବିଜେପି ସାଂସଦ । ଏ ଗଣତନ୍ତ୍ର ନା ଗୁଣ୍ଡାଗିରି ବୋଲି ନାରାବାଜି ଦେଇଛନ୍ତି ଧାରଣାଗତ ସାଂସଦ । ରଘୁପତି ରାଘବ ଗୀତ ଗାଇ ବିରୋଧୀଙ୍କ ବିରୋଧରେ ବିକ୍ଷୋଭ କରିଛନ୍ତି ।
ଏହା ପୂର୍ବରୁ ମଧ୍ୟ ସଂସଦ ପରିସରରେ ବିକ୍ଷୋଭ ହୋଇଛି । ନିଲମ୍ବିତ ରାଜ୍ୟସଭା ସଦ୍ୟସଙ୍କୁ ପୁଣି ଅଧିବେଶନକୁ ନିଷ୍ପତ୍ତି ନେବାକୁ ଦାବି କରି ଉଭୟ ବିରୋଧୀ ଓ ନିଲମ୍ବିତ ସାଂସଦ ବିକ୍ଷୋଭ ପ୍ରଦର୍ଶନ କରିଛନ୍ତି ।
@ANI
