ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ବରେ ଭାରତୀୟ ଜନତା ପାର୍ଟି ସଫଳ ହୋଇଛି । ମୋର ବିଶ୍ବାସ ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ହେଉଛନ୍ତି ଦେଶର ସର୍ବୋଚ୍ଚ ନେତା । ଗତ 7ବର୍ଷ ମଧ୍ୟରେ ବିଜେପି ଯେଉଁ ସଫଳତା ପାଇଛି ତାହା କେହି ଅସ୍ବୀକାର କରି ପାରିବେ ନାହିଁ ବୋଲି ଏକ ଗଣମାଧ୍ୟମକୁ କହିଛନ୍ତି ଶିବସେନା ସାଂସଦ ସଞ୍ଜୟ ରାଉତ ।
ପୂର୍ବତନ ବିଜେପି ନେତା ଅଟଳ ବିହାରୀ ବାଜପେୟୀଙ୍କ କାର୍ଯ୍ୟକାଳ ସମୟରେ ମହାରାଷ୍ଟ୍ରରେ ନିର୍ବାଚନ ଅନୁଷ୍ଠିତ ହୋଇଥିଲା, ସେତେବେଳେ ବାଲାସାହେବ ଠାକରେଙ୍କ ଛବି ନିର୍ବାଚନ ପ୍ରଚାର ପାଇଁ ପୋଷ୍ଟରରେ ବ୍ୟବହାର କରାଯାଉଥିଲା।
ମରାଠା କୋଟା ପ୍ରସଙ୍ଗରେ ତାଙ୍କ ସାହାଯ୍ୟ ମାଗିବା ପାଇଁ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଦିଲ୍ଲୀରେ ପ୍ରଧାନମନ୍ତ୍ରୀଙ୍କୁ ଭେଟିବାର ଦୁଇ ଦିନ ପରେ ଏହି ମନ୍ତବ୍ୟ ଦେଇଛନ୍ତି ସଞ୍ଜୟ ରାଉତ ।
ଜୁନ୍ 8 ରେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ଦିଲ୍ଲୀରେ ସାକ୍ଷାତ ପରେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ କହିଛନ୍ତି ଯେ ମରାଠା ସଂରକ୍ଷଣ ଭଳି ପ୍ରସଙ୍ଗରେ କେନ୍ଦ୍ର ସକରାତ୍ମକ ନିଷ୍ପତ୍ତି ନେବ ବୋଲି ଆଶା କରାଯାଉଛି।
@ANI
