ନୂଆଦିଲ୍ଲୀ: ଭାରତ ଓ ପାକିସ୍ତାନ ମଧ୍ୟରେ ସମ୍ପର୍କର ତିକ୍ତତା କାହାରିକୁ ଅଛପା ନାହିଁ । ଆଉ ଏହି ସମ୍ପର୍କ ନିକଟ ଭବିଷ୍ୟତରେ ସୁଧୁରି ବି ନପାରେ । ଏଭଳି ସମୟରେ ସରକାର ଏକ ତଥ୍ୟ ଦେଇଛନ୍ତି ଯାହା ଭାରତରେ ଦୀର୍ଘ ଦିନ ଧରି ରହି ଆସୁଥିବା ପାକିସ୍ତାନୀଙ୍କ ସଂଖ୍ୟା ସ୍ପଷ୍ଟ କରି ଦେଉଛି । ଭାରତରେ ୪୧,୩୩୧ ଜଣ ପାକିସ୍ତାନୀ ନାଗରିକ ଅନେକ ଦିନ ହେବ ରହିଥିବା ସୂଚନା ଲୋକସଭାରେ ରଖାଯାଇଛି ।
କେନ୍ଦ୍ର ଗୃହରାଷ୍ଟ୍ର ମନ୍ତ୍ରୀ ନିତ୍ୟାନନ୍ଦ ରାୟ ଲୋକସଭାରେ ଉପସ୍ଥାପନ କରିଥିବା ତଥ୍ୟ ଅନୁଯାୟୀ ଭାରତରେ ୪୧,୩୩୧ ଜଣ ପାକିସ୍ତାନୀ ନାଗରିକ ଓ ଆଫଗାନିସ୍ତାନର ୪୧୯୩ ଜଣ ନାଗରିକ ଭାରତରେ ଦୀର୍ଘ ଦିନ ହେବ ରହିଛନ୍ତି ।
ମନ୍ତ୍ରୀଙ୍କ ସୂଚନା ମୁତାବକ ଏହି ସମସ୍ତେ 6 ଗୋଟି ସଂଖ୍ୟାଲଘୁ ସଂପ୍ରଦାୟର ବୋଲି ଚିହ୍ନଟ ହୋଇଛନ୍ତି । ଏହି ନାଗରିକ ଦୀର୍ଘ କାଳିନ ଭିସା(ଏଲଟିଭି) ଜରିଆରେ ଭାରତରେ ରହୁଛନ୍ତି । ଏହି ଏଲଟିଭି ଭିସା ଅନଲାଇନ୍ ଦ୍ବାରା କାର୍ଯ୍ୟକାରୀ ହୋଇଥାଏ । ଏହାକୁ ୨୦୧୪ରେ କାର୍ଯ୍ୟକ୍ଷମ କରାଯାଇଥିଲା । ୨୦୧୮ ଡିସେମ୍ବର ୩୧ ଯାଏ ଏଭଳି ତଥ୍ୟ ମିଳିଥିଲା ।
