ମୁମ୍ବାଇ: ଗିରଫ ହୋଇ ପ୍ରବର୍ତ୍ତନ ନିର୍ଦ୍ଦେଶାଳୟ ହେପାଜତରେ ଥିବା ୟେସ ବ୍ୟାଙ୍କ ପ୍ରତିଷ୍ଠାତା ରାଣା କପୁରଙ୍କ ହେପାଜତ ଅବଧିକୁ ବୃଦ୍ଧି କରାଯାଇଛି । ବୁଧବାର ତାଙ୍କୁ ଅର୍ଥ ହେରଫେର ନିବାରଣ ଆକ୍ଟ ( PMLA) କୋର୍ଟରେ ହାଜର କରାଯାଇଥିବା ବେଳେ କୋର୍ଟ ମାର୍ଚ୍ଚ 16 ତାରିଖ ପର୍ଯ୍ୟନ୍ତ ହେପାଜତ ଅବଧିକୁ ବୃଦ୍ଧି କରିଛି । ଗତ ରବିବାର ତାଙ୍କୁ ଗିରଫ କରାଯିବା ସହ ସ୍ବତନ୍ତ୍ର ହଲିଡେ କୋର୍ଟ ଦ୍ବାରା 3 ଦିନ ପାଇଁ ଇଡିକୁ ହସ୍ତାନ୍ତର କରାଯାଇଥିଲା ।
ୟେସ ବ୍ୟାଙ୍କରେ ସଙ୍କଟ ଦେଖାଦେଇଥିବାବେଳେ ହେରଫେର ମାମଲାରେ ୟେସ ବ୍ୟାଙ୍କର ପ୍ରତିଷ୍ଠାତା ରାଣା କପୁର ଗିରଫ ହୋଇଛନ୍ତି । ପ୍ରିଭେନ୍ସନ ଅଫ ମନି ଲଣ୍ଡରିଂ ଆକ୍ଟ (ପିଏମଏଲଏ) ଅଧିନରେ ଚଢାଉ ପରେ ତାଙ୍କୁ ଇଡି ଗିରଫ କରିଥିବା ଜଣାପଡିଛି ।
ସୂଚନାଯୋଗ୍ୟ, ରାଣା କପୁର ଏକ କର୍ପୋରେଟ ସଂସ୍ଥାକୁ ଋଣ ପ୍ରଦାନ ଓ କଥିତ ଭାବେ ସେହି ଟଙ୍କା ତାଙ୍କ ପତ୍ନୀଙ୍କ ଆକାଉଣ୍ଟରେ ଜମା ହେବା ନେଇ କେନ୍ଦ୍ରୀୟ ଏଜେନ୍ସି ଯାଞ୍ଚ କରୁଛି । ଗତ ସପ୍ତାହରେ ଆରବିଆଇ ଭାରତର ଚତୁର୍ଥ ବୃହତ୍ତମ ଘରୋଇ ବ୍ୟାଙ୍କ ‘ୟେସ ବ୍ଯାଙ୍କ’ର ବୋର୍ଡ ଅପ ଡିରେକ୍ଟରର୍ସଙ୍କୁ ବାତିଲ କରିବା ସହ ଟଙ୍କା ଉଠାଣରେ ରୋକ ଲଗାଇଥିଲେ ।
@ANI
