ନୂଆଦିଲ୍ଲୀ: ବିବାହ ବନ୍ଧନରେ ଆବଦ୍ଧ ହେଲେ ଅନ୍ତର୍ଜାତୀୟ ରେସଲର ବବିତା ଫୋଗତ । ବିବେକ ସୁହାଗଙ୍କୁ ବିବାହ କରିଛନ୍ତି ବବିତା । ଭିନ୍ନ ଢଙ୍ଗରେ ହୋଇଛି ବବିତାଙ୍କ ବିବାହ । ସାତ ସ୍ଥାନରେ 8 ଫେରା ନେଇଛନ୍ତି ଏମାନେ । ଅଷ୍ଟମ ଫେରା ନାରୀ ସୁରକ୍ଷାକୁ ନେଇ କରିଥିବା କହନ୍ତି ବବିତାଙ୍କ ପିତା ମହାବୀର ଫୋଗଟ ।
ବିବାହ ବନ୍ଧନରେ ଆବଦ୍ଧ ହେଲେ ରେସଲର ବବିତା
ଏପଟେ ବିବେକ ମାତ୍ର 21ଜଣ ବରଯାତ୍ରୀଙ୍କୁ ଧରି ଆସିଥିବା ବିବାହ ପାଇଁ । ଏକଦମ ହରିୟାଣୀ ଷ୍ଟାଇଲରେ ହୋଇଛି ବାହାଘର । କିନ୍ତୁ ବିବାହ ଉତ୍ସବରେ ନା ଲାଗିଥିଲା ଡିଜେ ନା ବାଜିଥିଲା ଗୀତ । ଅତି ସାଧାରଣ ଭାବେ ସରିଲା ବାହାଘର। ବିହାହ ପରେ ନବଦମ୍ପତି ଚାରା ରୋପଣ କରିଛନ୍ତି । ହରିୟାଣାର ଫେମସ ଫୁଡ ରୁଡି, ଚୁରମା, କେଶର ଏବଂ ଖୀରି ପ୍ରସ୍ତୁତ କରାଯାଇଥିଲା ।
ଆଜି ରାଜଧାନୀ ଦିଲ୍ଲୀରେ ଉଭୟଙ୍କ ବିବାହ ଭୋଜିର ଆୟୋଜନ କରାଯାଇଛି । ପ୍ରଧାନମନ୍ତ୍ରୀ ମୋଦିଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତିଙ୍କୁ ନିମନ୍ତ୍ରଣ କରାଯାଇଛି। ପ୍ରସିଦ୍ଧ ଫୋଗଟ ଭଗିନୀ ଦୁହିଁଙ୍କ ମଧ୍ୟରେ ବବିତା ହେଉଛନ୍ତି ସାନ ।
