ପାଟନା: ନାଳନ୍ଦା ଜିଲ୍ଲାର ପାଓ୍ବାପୁରୀରେ ଥିବା ମା' ଆଶାପୁରୀ ଦେବୀଙ୍କ ମନ୍ଦିରକୁ ନବରାତ୍ରୀ ସମୟରେ ମହିଳାଙ୍କ ପ୍ରବେଶ ଉପରେ ଲାଗିଲା ବ୍ୟାନ । ନବରାତ୍ରୀ ସମୟରେ ମା'ଙ୍କ ମନ୍ଦିରକୁ ମହିଳାମାନେ ପ୍ରବେଶ କରିପାରିବେ ନାହିଁ । ଏହି ସମୟରେ ମଧ୍ୟରେ ମା' ଙ୍କ ପୂଜା ତାନ୍ତ୍ରିକ ରୀତିନୀତି ମଧ୍ୟରେ ହେଉଥିବାରୁ ଏହି ପ୍ରବେଶ ଉପରେ ରୋକ ଲଗାଯାଇଥିବା ମନ୍ଦିର କର୍ତ୍ତୃପକ୍ଷ କହିଛନ୍ତି । ମନ୍ଦିର ବାହାରୁ ମହିଳାମାନେ ଦର୍ଶନ କରିପାରିବେ ବୋଲି ମନ୍ଦିର କର୍ତ୍ତୃପକ୍ଷ କହିଛନ୍ତି ।
ମିଳିଥିବା ସୂଚନା ମୁତାବକ ଅନେକ ଦିନରୁ ତାନ୍ତ୍ରିକ ରୀତିନୀତିରେ ପୂଜା ପାଠ କରାଯାଇ ଆସୁଛି । ଆଜି ମଧ୍ୟ ଏହି ରୀତିନୀତିରେ ପୂଜାପାଠ ଅନୁଷ୍ଠିତ ହେଉଛି । ଏହି ସମୟରେ ମା'ଙ୍କ ଗର୍ଭଗୃହ ମଧ୍ୟକୁ ଯିବାପାଇଁ କାହାକୁ ଅନୁମତି ଦିଆଯାଇନଥାଏ ।
ଏହି ମନ୍ଦିର ଅନେକ ପ୍ରଚୀନ ମନ୍ଦିର ବୋଲି କହିଛନ୍ତି ମନ୍ଦିରର ପୂଜକ । ମନ୍ଦିରରେ ମଧ୍ୟରେ ମା'ଙ୍କର ଅଷ୍ଟଭୂଜା ପ୍ରତିମା ସ୍ଥାପନା କରାଯାଇଛି । ମା'ଙ୍କୁ ଦୁର୍ଗାଙ୍କ ନଅଟି ରୂପ ମଧ୍ୟରୁ ସିଦ୍ଧିଧାତ୍ରୀ ରୂପରେ ଏଠାରେ ପୂଜା କରାଯାଇଥାଏ । ଏହି ମନ୍ଦିର ଏକ ଶକ୍ତିପୀଠ ଭାବେ ମଧ୍ୟ ବେଶ ପ୍ରତିଷ୍ଠିତ । ସମଗ୍ର ରାଜ୍ୟରୁ ଏହି ମନ୍ଦିରକୁ ଶ୍ରଦ୍ଧାଳୁମାନେ ଆସିଥାନ୍ତି । ତେବେ ଏଠାକୁ ଆସୁଥିବା ପ୍ରତିଟି ଶ୍ରଦ୍ଧାଳୁଙ୍କ ମନସ୍କାମନା ପୂରଣ ହୋଇଥାଏ ବୋଲି ବିଶ୍ବାସ ରହିଆସିଛି ।
