ରାୟପୁର: ଟ୍ରେନ ହେଲା ଡେଲିଭେରୀ ୱାର୍ଡ । ସହଯାତ୍ରୀ ସାଜିଲେ ନର୍ସ । ଆଉ ଚଳନ୍ତା ଟ୍ରେନରେ ସନ୍ତାନ ପ୍ରସବ କଲେ ରାୟପୁର ଲକ୍ଷ୍ମୀ। ସଂପର୍କ କ୍ରାନ୍ତିର ଏହି ଯାତ୍ରା ଲକ୍ଷ୍ମୀ ଓ ତାଙ୍କ ସ୍ବାମୀଙ୍କ ସହ ଯୋଡିଛି ଆଉ ଏକ କୁନି ସଂପର୍କ ।
ରବିବାର ଲକ୍ଷ୍ମୀଙ୍କର ଅଧିକ ପ୍ରସବ ପୀଡା ହେବାରୁ ସେ ରାୟପୁର ସିଟିରୁ ଚିକିତ୍ସା ପାଇଁ ସ୍ବାମୀଙ୍କ ସହ ଛତିଶଗଡ ଯାଉଥିଲେ। ଟ୍ରେନ ଝାନସୀରେ ପହଞ୍ଚିବା ସମୟରେ ଆଉ ସହିପାରିଲେ ନାହିଁ କଷ୍ଟ । ସହଯାତ୍ରୀ ମହିଳାଙ୍କ ସହାୟତାରେ ଜନ୍ମ ଦେଇଛନ୍ତି ଏକ ନୂଆ ଜୀବନ।
ଖବର ପାଇ ଟିଟିଇ ମହିଳାଙ୍କୁ ଡାକ୍ତରଖାନା ପଠାଇବାକୁ ଚେଷ୍ଟା କରିଥିଲେ । ମଧ୍ୟପ୍ରଦେଶ ଶାହାଦଲ ଷ୍ଟେସନରେ ଟ୍ରେନ 30 ମିନିଟ ପର୍ଯ୍ୟନ୍ତ ରହିଥିଲା । ଫଳରେ ଟିଟିଇ ଲକ୍ଷ୍ମୀଙ୍କୁ ଜଣେ ମହିଳା ଡାକ୍ତରଙ୍କ ଦ୍ବାରା ଚିକିତ୍ସା କରାଇଥିଲେ । ବର୍ତ୍ତମାନ ଉଭୟ ମାଆ ଓ ଶିଶୁ ସୁସ୍ଥ ଥିବା ଜଣାପଡିଛି ।
ରେଳ କର୍ମୀଙ୍କ ସହଯୋଗ ନେଇ ଭାରତୀୟ ରେଳ ବିଭାଗ ସହ ସହଯାତ୍ରୀଙ୍କ ସାହାଯ୍ୟ ପାଇଁ ଏହି ଦମ୍ପତ୍ତି ଧନ୍ୟବାଦ ଦେଇଛନ୍ତି ।
