ପାଟନା: ଲୋକସଭା ନିର୍ବାଚନର ଅନ୍ତିମ ପର୍ଯ୍ୟାୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପାଟନାର ପାଲିଗଞ୍ଜରେ ଜନସଭାକୁ ସମ୍ବୋଧନ କରିଛନ୍ତି । ମହାଭାରତ ଭଳି ସୁଦର୍ଶନ ଚକ୍ର ଧାରଣ କରି ଆତଙ୍କବାଦୀଙ୍କ ଉପରେ କାର୍ଯ୍ୟାନୁଷ୍ଠାନ ହେବ ବୋଲି ମୋଦି କହିଛନ୍ତି ।
ମୋଦି ବିହାରର ପାଟନାସାହିବ ଓ ପାଟଳିପୁତ୍ରରୁ ଭାରତୀୟ ଜନତା ପାର୍ଟି ର ପ୍ରାର୍ଥୀ ରବିଶଙ୍କର ପ୍ରସାଦ ଓ ରାମକୃପାଳ ଯାଦବ ଏବଂ ଜହାନାବାଦରୁ ଜନତାଦଳ ୟୁନାଇଟେଡ ପ୍ରାର୍ଥୀ ଚନ୍ଦ୍ରେଶ୍ବର ପ୍ରସାଦଙ୍କ ସପକ୍ଷରେ ନିର୍ବାଚନୀ ସଭାକୁ ସମ୍ବୋଧିତ କରିଛନ୍ତି ।
ଜନସଭାରେ ମୋଦି ଲାଲୁ ପ୍ରସାଦ ଯାଦବଙ୍କୁ ଟାର୍ଗେଟ କରିବାବେଳେ ଯାଦବ ବହୁଳ କ୍ଷେତ୍ରରେ କୃଷ୍ଣଙ୍କୁ ମଧ୍ୟ ସ୍ମରଣ କରିଛନ୍ତି । ଲହୁଣୀ ଖାଉଥିବା ଓ ବଂଶୀ ବଜାଉଥିବା କୃଷ୍ଣ ଆମ ପ୍ରେରଣାର ସ୍ରୋତ ବୋଲି ମୋଦି କହିଛନ୍ତି । ଆମମାନଙ୍କ ପ୍ରେରଣା ସୁଦର୍ଶନ ଚକ୍ର ଚଲାଉଥିବା କୃଷ୍ଣ ହୋଇଥିବା ବେଳେ ଭାରତରୁ ଆତଙ୍କବାଦୀଙ୍କ ବିନାଶ ପାଇଁ ସୁଦର୍ଶନଧାରୀଙ୍କ ରୂପ ନେଇ ଉପରେ କର୍ଯ୍ୟାନୁଷ୍ଠାନ ନିଆଯିବ ବୋଲି ମୋଦି କହିଛନ୍ତି ।
