ୟୁନିଅନ ପବ୍ଲିକ ସର୍ଭିସ କମିଶନ ବା ୟୁପିଏସସି-2019 ରେଜଲ୍ଟ ପ୍ରକାଶିତ । ପ୍ରଦୀପ ସିଂ ଆଇଏଏସ ପରୀକ୍ଷାରେ ଟପ୍ପର ହୋଇଛନ୍ତି । ଦ୍ବିତୀୟରେ ଜତିନ କିଶୋର ଓ ତୃତୀୟ ସ୍ଥାନରେ ପ୍ରତିଭା ବର୍ମା ରହିଛନ୍ତି । ଚଳିତ ବର୍ଷ ମୋଟ 829 ଜଣ ପରୀକ୍ଷାର୍ଥୀ କୃତକାର୍ଯ୍ୟ ହୋଇଛନ୍ତି । ଚଳିତ ଥର ୟୁପିଏସସି ପରୀକ୍ଷାରେ ଓଡିଆ ପୁଅ ଝିଅ ବି ବାଜି ମାରି ନେଇଛନ୍ତି । ଟପ୍ 10ରେ ୨ ଜଣ ଓଡ଼ିଆଙ୍କ ନାଁ ମଧ୍ୟ ରହିଛି । ଅଷ୍ଟମ ସ୍ଥାନରେ ଓଡ଼ିଶାର ଅଭିଷେକ ସରାଫ । ଦଶମ ସ୍ଥାନରେ ଓଡ଼ିଶାର ସଞ୍ଜିତା ମହାପାତ୍ର ରହିଛନ୍ତି ।
107 ତମ ରାଙ୍କରେ ଅଶୁମାନ ରାଜ, 120 ରାଙ୍କରେ ଅନୁପ ଦାସ, 125 ତମ ସ୍ଥାନରେ ନାୱାଲ କୁମାର ଜୈନ ରହିଛନ୍ତି । 202 ସ୍ଥାନରେ ରାହୁଲ ମିଶ୍ର, 225ରେ ହେମା ନାୟକ, 229ରେ ଆର୍ଶୀ ଦାସ, ଅଙ୍କିତ ଶଙ୍କର ମିଶ୍ର 294 ରାଙ୍କ ଅଧିକାର କରିଛନ୍ତି ।
ସେହିପରି ସୋନାଲି ମିଶ୍ର 300 ରାଙ୍କରେ, ଦିବ୍ୟା ମିଶ୍ର 312ରେ, 361 ରାଙ୍କରେ ଅର୍ଘ୍ୟ ପଟ୍ଟନାୟକ, 168ରେ ରାହୁଲ ଗୋଏଲ, ଜୁବିନ ମହାପାତ୍ର 379 ରାଙ୍କରେ ରହିବା ସହ ସମୀର କୁମାର ଜେନା 441 ରାଙ୍କରେ ରହିଛନ୍ତି ।
ମାନସ ରଞ୍ଜନ ସାହୁ 567 ରାଙ୍କରେ ରହିବା ସହ ଶିବମ ମିଶ୍ର 712 ରାଙ୍କରେ, ଓମ ପ୍ରସାଦ ମହାନ୍ତି 715 ରାଙ୍କରେ ରହିବା ସହ ବିଭୂତି ଭୂଷଣ ନାୟକ ରାଙ୍କ 819 ରହିଛି ।
ସେପଟେ ୟୁପିଏସସିରେ ସଫଳତା ହାସଲ କରିଥିବା ସମସ୍ତ ଓଡିଆ ପ୍ରାର୍ଥୀଙ୍କୁ ଶୁଭେଚ୍ଛା ଜଣାଇବା ସହ ଉଜ୍ଜ୍ବଳ ଭବିଷ୍ୟତର କାମନା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏଥିସହ ତୃଣମୂଳ ସ୍ତରରେ ଲୋକଙ୍କ ଜୀବନରେ ପରିବର୍ତ୍ତନ ଆଣିବା ପାଇଁ ସେମାନେ ଉତ୍ସର୍ଗୀକୃତ ଭାବେ କାର୍ଯ୍ୟ କରନ୍ତୁ ବୋଲି କହିଛନ୍ତି ।
ସେହିଭଳି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ସିଭିଲ ସର୍ଭିସ ପରୀକ୍ଷାରେ କୃତି ପ୍ରାର୍ଥୀଙ୍କୁ ଶୁଭେଚ୍ଛା ଜଣାଇଛନ୍ତି । ଏଥିସହ ଟପ୍ 10ରେ ସ୍ଥାନ ହାସଲ କରିଥିବା ଅଭିଷେକ ସରାଫ ଏବଂ ସଞ୍ଜିତା ମହାପାତ୍ରଙ୍କ ସଫଳତାକୁ ନେଇ ଖୁସି ପ୍ରକାଶ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
