ଲକ୍ଷ୍ନୌ: ଅଯୋଧ୍ୟାରେ ନିର୍ମାଣ ହେବାକୁ ଯାଉଥିବା ଭବ୍ୟ ରାମ ମନ୍ଦିର ବିରୋଧରେ ସୋସିଆଲ ମିଡିଆରେ ଆପତ୍ତିଜନକ ପୋଷ୍ଟ ନେଇ ଉତ୍ତର ପ୍ରଦେଶର ଜଣେ ସାମ୍ବାଦିକଙ୍କୁ ଗିରଫ କରିଛି ପୋଲିସ । ପୂର୍ବରୁ ମଧ୍ୟ ଉତ୍ତରପ୍ରଦେଶ ସରକାର ଓ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ବିରୋଧରେ ଆପତ୍ତିଜନକ ମନ୍ତବ୍ୟ ଦେଇ ଏହି ଅଭିଯୁକ୍ତ ସାମ୍ବାଦିକ ଗିରଫ ହୋଇଥିଲେ ।
ଅଭିଯୁକ୍ତ ସାମ୍ବାଦିକ ପ୍ରଶାନ୍ତ କନୋଜିଆଙ୍କୁ ମଙ୍ଗଳବାର ଦିଲ୍ଲୀରୁ ଗିରଫ କରାଯାଇଥିବା ସେଣ୍ଟ୍ରାଲ ଡିସିପି ସୋମେନ ବର୍ମା ସୂଚନା ଦେଇଛନ୍ତି । ଗିରଫ ସାମ୍ବାଦିକଙ୍କ ବିରୋଧରେ ହଜରତଗଞ୍ଜ ଥାନାରେ ଅଗଷ୍ଟ 17ରେ ଏତଲା ଦାଏର ହୋଇଥିଲା । ତେବେ ସେ ହିନ୍ଦୁସେନା ମୁଖ୍ୟଙ୍କ କହିବା ଅନୁଯାୟୀ ସେ ଏପରି କରିଥିବା କହିଛନ୍ତି । ଅନ୍ୟପକ୍ଷେ ଏହାକୁ ହିନ୍ଦୁସେନା ଖଣ୍ଡନ କରିଛି ।
