ଭୋପାଳ: ଉତ୍ତର ପ୍ରଦେଶ ରାଜ୍ୟପାଳ ଆନନ୍ଦିବେନ୍ ପଟେଲଙ୍କୁ ମଧ୍ୟପ୍ରଦେଶର ଅତିରିକ୍ତ ଦାୟିତ୍ବ ଦିଆଯାଇଛି । ଦିବଙ୍ଗତ ରାଜ୍ୟପାଳ ଲାଲାଜୀ ଟଣ୍ଡନଙ୍କ ସ୍ଥାନରେ ତାଙ୍କୁ ନିଯୁକ୍ତି ମିଳିଛି । ନୂଆ ରାଜ୍ୟପାଳ ଆସିବା ଯାଏଁ ସେ ଏହି ଦାୟିତ୍ବ ତୁଲାଇବେ ବୋଲି ଜଣାପଡିଛି ।
ସୂଚନାଯୋଗ୍ୟ ଯେ, ଜୁଲାଇ 21ରେ ମଧ୍ୟପ୍ରଦେଶ ରାଜ୍ୟପାଳ ଥିବା 88 ବର୍ଷିୟ ଟଣ୍ଡନଙ୍କର ଦେହାନ୍ତ ହୋଇଥିଲା । ରାଷ୍ଟ୍ରପତି ରାମନାଥ କୋବିନ୍ଦ ଆନନ୍ଦିବେନଙ୍କୁ ଏହି ଅତିରିକ୍ତ ଦାୟିତ୍ବ ପ୍ରଦାନ କରିଛନ୍ତି । ଏନେଇ ପିଆଇବି ପକ୍ଷରୁ ପ୍ରେସ ରିଲିଜରେ ସୂଚନା ଦିଆଯାଇଛି ।
ୟୁପିର ରାଜ୍ୟପାଳ ଥିବା ବିଜେପି ନେତ୍ରୀ ଆନନ୍ଦିବେନ୍ ପଟେଲ ପୂର୍ବରୁ ଗୁଜୁରାଟର ମୁଖ୍ୟମନ୍ତ୍ରୀ ରହିସାରିଥିଲେ । ରାଜ୍ୟର ପ୍ରଥମ ମହିଳା ଭାବେ ସେ ଏହି ପଦବୀ ଗ୍ରହଣ କରିଥିଲେ ।
