ଲକ୍ଷୌ: ଉନ୍ନାଓ ଦୁଷ୍କର୍ମ ମାମଲା ପୀଡିତାଙ୍କ ସ୍ଥିତି ସଙ୍ଗୀନ୍ ଅବସ୍ଥାରେ ରହିଛି । ଏପର୍ଯ୍ୟନ୍ତ ସ୍ବାସ୍ଥ୍ୟବସ୍ଥାରେ କୌଣସି ପରିବର୍ତ୍ତନ ଆସିନାହିଁ । ତେବେ ପୀଡିତାଙ୍କୁ ଏବେ ନିମୋନିଆ ହୋଇଛି । ଫଳରେ ବେହୋଶ ଅବସ୍ଥାରେ ତାଙ୍କୁ ବାରମ୍ବାର ଜ୍ବର ଆସୁଛି । ତେବେ ପୀଡିତା ଏବେ କେଜିଏମ୍ୟୁ ଟ୍ରମା ସେଣ୍ଟରରେ ଥିବାବେଳେ ତାଙ୍କର ସ୍ବାସ୍ଥ୍ୟବସ୍ଥାରେ କୌଣସି ପରିବର୍ତ୍ତନ ଆସୁନାହିଁ । ଫଳରେ ଡାକ୍ତରଙ୍କ ଚିନ୍ତା ବଢିଯାଇଛି ।
28 ଜୁଲାଇ ରାଇବରେଲିରେ ଘଟିଥିବା ର୍ଦୁଘଟଣା ପରଠାରୁ ପୀଡିତା ଏବଂ ଓକିଲ ଦୁହେଁ କେଜିଏମ୍ୟୁ ଟ୍ରମା ସେଣ୍ଟରରେ ଭର୍ତ୍ତି ହୋଇଛନ୍ତି । ତେବେ ପୀଡିତାଙ୍କୁ ବାରମ୍ବାର ଭେଣ୍ଟିଲେଟରରେ ଭର୍ତ୍ତି କରାଯାଉଥିବାବେଳେ ଗତ ଶୁକ୍ରବାର ଭେଣ୍ଟିଲେଟରରୁ କଢାଯାଇ ତାଙ୍କର ଚିକିତ୍ସା କରାଯାଇଥିଲା । ତେବେ ଏହି ସମୟରେ ତାଙ୍କୁ ନିଶ୍ବାସ ନେବାରେ ଅସୁବିଧା ହେବାରୁ ତାଙ୍କୁ ପୁଣି ଭେଣ୍ଟିଲେଟରରେ ଭର୍ତ୍ତି କରାଯାଇଥିଲା ।
ଏପଟେ ପୀଡିତାଙ୍କ ସ୍ବାସ୍ଥ୍ୟବସ୍ଥା ସଙ୍ଗୀନ ଥିବାବେଳେ ଓକିଲଙ୍କ ସ୍ବାସ୍ଥ୍ୟବସ୍ଥା ସ୍ଥିର ଥିବା ସୂଚନା ମିଳିଛି ।
ସେହିପରି ଅନ୍ୟ ପଟେ ମାମଲାର ତଦନ୍ତ କରୁଥିବା ସିବିଆଇ ରବିବାର ଉନ୍ନାଓ, ଲକ୍ଷ୍ମୌ, ବାଣ୍ଡା ଓ ଫତେପୁରରେ ଚଢାଉ କରିଛି ।
