ମୁମ୍ବାଇ: ନିର୍ବାଚନୀ ପ୍ରଚାରର ବେଳେ ଅଚେତ ହୋଇ ପଡିଛନ୍ତି କେନ୍ଦ୍ରମନ୍ତ୍ରୀ ନୀତିନ ଗଡକରୀ । ମହାରାଷ୍ଟ୍ରର ଅହମଦନଗରରେ ଏକ ସଭାରେ ଶନିବାର ଭାଷଣ ଦେଉଥିଲେ ଗଡକରୀ । ଭାଷଣ ଶେଷ ହେବା ପରେ ହଠାତ ଅଚେତ ହୋଇପଡିଥିଲେ ସେ । ମଞ୍ଚରେ ଉପସ୍ଥିତ ଲୋକେ ତାଙ୍କୁ ସମ୍ଭାଳି ଥିଲେ ।
ବର୍ତ୍ତମାନ ତାଙ୍କ ସ୍ବାସ୍ଥ୍ୟ ଅବସ୍ଥାରେ ସୁଧାର ଆସିଛି । ମହାରାଷ୍ଟ୍ରର ଶିରଡି ଲୋକସଭା ଆସନ ୨୦୦୮ରେ ଅସ୍ତିତ୍ବକୁ ଆସିଥିଲା । ୨୦୦୯ରେ ଏହି ଆସନରେ ପ୍ରଥମ ନିର୍ବାଚନ ହୋଇଥିଲା । ଏଠାକାର ବିଧାନସଭା ଆସନଗୁଡିକ ଉପରେ କଂଗ୍ରେସ-ଏନସିପି ଓ ବିଜେପିର ଦଖଲରେ ରହିଛି । କିନ୍ତୁ ଲୋକସଭା ଆସନ ଶିବସେନା ଜିତି ଆସୁଛି । ଏହି ଆସନ ଅନୁସୂଚିତ ଜାତିଙ୍କ ପାଇଁ ସଂରକ୍ଷିତ ରହିଛି । ଏହି ଆସନରୁ ଶିବସେନାର ସଦାଶିବ ଲୋଖାଣ୍ଡେ ସଂସଦ ଅଛନ୍ତି ।
