ଜୟପୁର: ରାଜସ୍ଥାନର ସାଙ୍ଗାନେର ଅଞ୍ଚଳରେ ରବିବାର ଆସିଥିବା ଦ୍ରବ୍ୟବତା ନଦୀରେ ବୁଡିଯିବା ଫଳରେ 2 ଜଣ ବାଳକଙ୍କ ମୃତ୍ୟୁ ହୋଇଛି । ଉଭୟ ସୁବାଷ କୋଲନୀ ସାଙ୍ଗାନେରର 12 ବର୍ଷୀୟ ସମୀର ଓ 13 ବର୍ଷୀୟ ସାହିଦ । ତେବେ ନଦୀକୁ ଗାଧୋଇବାକୁ ଯାଇଥିବା ବେଳେ ଏ ଅଘଟଣା ଘଟିଛି ।
ସୂଚନାମୁତାବକ, ବାଳକ 2 ଜଣ ଭାସି ଯିବାର ଖବରପାଇ ଉଭୟଙ୍କୁ ଖୋଜିବା ପାଇଁ କିଶନପୋଲର କଂଗ୍ରେସ ବିଧାୟକ ଅମିନ କାଗଜୀ ଓ ଥାନା ଇନଚାର୍ଜ ଲାଖନ ଖଟାନା ନିଜ ଜୀବନକୁ ବାଜି ଲଗାଇ ନଦୀ ମଧ୍ୟକୁ ପ୍ରବେଶ କରିଥିଲେ। ଦୀର୍ଘ ସମୟ ଧରି ଖୋଜିଥିଲେ ମଧ୍ୟ ସହଜ଼ରେ ସେମାନଙ୍କର ପତ୍ତା ମିଳିବା ସମ୍ଭବପର ହୋଇନଥିଲା । ଏହାପରେ ଉଭୟ ବାଳକଙ୍କୁ ଉଦ୍ଧାର କରାଯାଇ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଥିଲା । ହେଲେ ଚିକିତ୍ସାଧିନ ଅବସ୍ଥାରେ ସେମାନଙ୍କର ମୃତ୍ୟୁ ହୋଇଥିଲା ।
ଉଦ୍ଧାର ହେବାପରେ ପୋଲିସ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଥିଲା । ପରେ ଏହାକୁ ପରିବାର ଲୋକଙ୍କୁ ହସ୍ତାନ୍ତର କରିଛି । ତେବେ ଜଣେ ବିଧାୟକଙ୍କର ଏପରି ପ୍ରୟାସକୁ ସବୁ ମହଲରେ ପ୍ରଶଂସା କରାଯାଇଛି ।
