ଚଣ୍ଡିଗଡ: ସାମାନ୍ୟ ଅସାବଧାନତା ହେଲା କାଳ। ଟ୍ରେନ ଲାଇନ ପାର୍ କରୁଥିବା ବେଳେ ଟ୍ରେନ ଧକ୍କାରେ ଚାଲିଗଲା 2 ଜୀବନ । ଏଭଳି ଅଘଟଣ ଘଟିଛି ଲୁଧିୟାନାରେ । ଏଥିରେ 3ଜଣ ଗୁରୁତର ଆହତ ମଧ୍ୟ ହୋଇଛନ୍ତି । ଶନିବାର ରାତି ପ୍ରାୟ 8.30ରେ ଘଟିଛି ଏହି ଘଟଣା ।
ଟ୍ରେନ ଲାଇନ ପାର କରୁଥିବା ବେଳେ ମାଡିଗଲା ଟ୍ରେନ, 2ମୃତ
ସୂଚନା ଅନୁସାରେ, ଦିଲ୍ଲୀ- ଅମୃତସର ଶତାବ୍ଦୀ ଏକ୍ସପ୍ରେସ ଯିବା ପାଇଁ ଟ୍ରେନ ଫାଟକ ବନ୍ଦ କରିଦିଆଯାଇଥିଲା । ଏହାପରେ ବି ଲୋକେ ରେଳ ଲାଇନ ଦେଇ ରାସ୍ତାପାର୍ କରୁଥିଲେ । ହେଲେ ହଠାତ୍ ଟ୍ରେନ ଆସି ଲୋକଙ୍କୁ ଧକ୍କା ଦେଇଥିଲା । ଫଳରେ 2ଜଣ ପ୍ରାଣ ହରାଇଥିଲେ । ଅନ୍ୟ ଆହତଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରାଯାଇଛି । ମୃତକ ମାନେ ହେଲେ ରତନ ଜିତ ସିଂ ଓ ଗୁରପ୍ରିତ କୌର । ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
