ନୂଆଦିଲ୍ଲୀ: ଦେଶରେ 75 ଲକ୍ଷ ପାର କରିଛି କୋରୋନା ସଂକ୍ରମଣ ସଂଖ୍ୟା । ପ୍ରତ୍ୟେକ ଦିନ ବହୁ ପରିମାଣର ରିପୋର୍ଟ ହେଉଥିବା କୋରୋନା ପଜିଟିଭ ସଂଖ୍ୟାକୁ ନଜରରେ ରଖି ସ୍ବାସ୍ଥ୍ୟ ବିଭାଗ ପକ୍ଷରୁ କୋରୋନା ସାମ୍ପଲ ଟେଷ୍ଟ ଜାରି ରହିଛି।
ଇଣ୍ଡିଆନ କାଉନସିଲ ଅଫ ମେଡିକାଲ ରିସର୍ଚ୍ଚ (ଆଇସିଏମଆର) ମୁତାବକ, ଗତ 24ଘଣ୍ଟାରେ ଦେଶର ବିଭିନ୍ନ ପଞ୍ଜିକୃତ ଓ ଅଣପଞ୍ଜିକୃତ ଲ୍ୟାବରେ 8 ଲକ୍ଷ 59 ହଜାର 786ଟି ସାମ୍ପଲ ଟେଷ୍ଟ କରାଯାଇଛି । ଯାହାକୁ ମିଶାଇ ଦେଶରେ ବର୍ତ୍ତମାନ ସୁଦ୍ଧା 9 କୋଟି 50 ଲକ୍ଷ 83 ହଜାର 976ଟି ଟେଷ୍ଟ ସରିଛି ।
ତେବେ ସ୍ବାସ୍ଥ୍ୟ ବିଭାଗର ସଦ୍ୟତମ ରିପୋର୍ଟ ମୁତାବକ, ବର୍ତ୍ତମାନ ଦେଶରେ 75 ଲକ୍ଷ 50 ହଜାର 273ରେ ପହଞ୍ଚିଛି କୋରୋନା ସଂକ୍ରମଣ ସଂଖ୍ୟା । ଯେଉଁଥିରେ 1 ଲକ୍ଷ 14 ହଜାର 610 ଜଣଙ୍କର ମୃତ୍ୟୁ ହୋଇଥିବାବେଳେ, 66 ଲକ୍ଷ 63 ହଜାର 608 ଜଣ ସୁସ୍ଥ ହୋଇଛନ୍ତି।
