ନୂଆଦିଲ୍ଲୀ: 67 ଲକ୍ଷ ପାର କରିଛି ଦେଶରେ କୋରୋନା ସଂକ୍ରମଣ ସଂଖ୍ୟା । ହେଲେ ପୂର୍ବ ଅପେକ୍ଷା ଦୈନିକ ସଂକ୍ରମଣ ସଂଖ୍ୟା ଏବେ କିଛି ମାତ୍ରାରେ ହ୍ରାସ ପାଇବାରେ ଲାଗିଛି । ତେବେ କିପରି ବହୁ ମାତ୍ରାରେ ସଂକ୍ରମଣ ବ୍ୟାପିବାରେ ରୋକାଯାଇପାରିବ ସେନେଇ ପ୍ରତିଦିନ ସ୍ବାସ୍ଥ୍ୟ ବିଭାଗ ପକ୍ଷରୁ କୋରୋନା ସାମ୍ପଲ ଟେଷ୍ଟ ଜାରି ରହିଛି।
ଇଣ୍ଡିଆନ କାଉନସିଲ ଅଫ ମେଡିକାଲ ରିସର୍ଚ୍ଚ (ଆଇସିଏମଆର) ରିପୋର୍ଟ ମୁତାବକ ଗତ 24 ଘଣ୍ଟାରେ 11 ଲକ୍ଷ 99 ହଜାର 857ଟି କୋଭିଡ ଟେଷ୍ଟ କରାଯାଇଛି । ଯାହାକୁ ମିଶାଇ ମଙ୍ଗଳବାର ସୁଦ୍ଧା 8 କୋଟି 22 ଲକ୍ଷ 71 ହଜାର 654ଟି ଟେଷ୍ଟ ସରିଛି ।
ତେବେ ଅକ୍ଟୋବର 6 ସୁଦ୍ଧା ଦେଶରେ 67 ଲକ୍ଷ 57 ହଜାର 132 ରେ ପହଞ୍ଚିଛି ସଂକ୍ରମଣ ସଂଖ୍ୟା । ଏଥିରେ ମୋଟ ସଂକ୍ରମିତଙ୍କ ମଧ୍ୟରୁ 1 ଲକ୍ଷ 04 ହଜାର 555 ଜଣଙ୍କର ମୃତ୍ୟୁ ଘଟିଛି ।
