ହାଇଦ୍ରାବାଦ: ବିଦେଶ ମାଟିରେ କମାଲ କରିବେ ପ୍ରଧାନମନ୍ତ୍ରୀ ମୋଦି । ଶକ୍ତିଶାଳୀ ରାଷ୍ଟ୍ର ଆମେରିକାରେ କରିବେ ସବୁଠୁ ବଡ଼ ଜନସଭା । ନିର୍ବାଚନୀ ସଭାଠୁ ସର୍ବାଧିକ ଲୋକ କାର୍ଯ୍ୟକ୍ରମରେ କରିବେ ଯୋଗଦାନ । ଆମେରିକାର ହୋଷ୍ଟନ ସହରରେ ଆୟୋଜିତ ହୋଇଥିବା ଏହି କାର୍ଯ୍ୟକ୍ରମରେ 50 ହଜାର ପ୍ରବାସୀ ଭାରତୀୟ ଯୋଗଦବେ ବୋଲି ସୂଚନା ରହିଛି ।
କାର୍ଯ୍ୟକ୍ରମର ନାମ ‘ହାଓଡ଼ି ମୋଦି’ ରହିଥିବାବେଳେ ଏଥିରେ ଯୋଗଦେବେ ବିଶ୍ବର ଦୁଇ ଶକ୍ତିଶାଳୀ ନେତା । ଲୋକପ୍ରିୟତାରେ ଶୀର୍ଷରେ ଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଆମେରିକା ରାଷ୍ଟ୍ରପତି ଡ଼ୋନାଲ୍ଡ ଟ୍ରମ୍ପଙ୍କୁ ଗୋଟିଏ ମଞ୍ଚରେ ଉପସ୍ଥିତ ରହିବେ । ଭାରତୀୟ ସମୟ ସଂନ୍ଧ୍ୟା 8.30 ରେ ଏନଆରଜି ଷ୍ଟାଡ଼ିୟମରେ ଆରମ୍ଭ ହେବ ଏହି ସଭା ।
ଏହା ପୂର୍ବରୁ 2014ରେ ବିଦେଶରେ ବଡ଼ ସୋ କରିଥିଲେ ମୋଦି । ଆମେରିକାର ମୌଡ଼ିସନ ସ୍କାୟର ଷ୍ଟାଡ଼ିୟମରେ ଜନସଭାକୁ କରିଥିଲେ ସମ୍ବୋଧନ । ପୂର୍ବ କାର୍ଯ୍ୟକ୍ରମରେ 20 ହଜାର ପ୍ରବାସୀ ଭାରତୀୟ ଯୋଗଦେଇଥିବା ବେଳେ ଏହି ସଭାରେ ଯୋଗଦେବେ 50 ହଜାର ଜନତା । ‘ହାଓଡ଼ି ମୋଦି’ ପୂର୍ବ ରେକର୍ଡ଼ ଅତିକ୍ରମ କରି ବିଦେଶରେ ରଚିବାକୁ ଯାଉଛି ନୂଆ ଅଧ୍ୟାୟ ।
