ଅମରାବତୀ: ତିନି ଜଣ ବି-ଟେକ୍ ଛାତ୍ରଙ୍କୁ ଗିରଫ କଲା ଆନ୍ଧ୍ରପ୍ରଦେଶ ପୋଲିସ । ଏଥିସହ ସେମାନଙ୍କ ଠାରୁ 10 କିଲୋଗ୍ରାମର ଭାଙ୍ଗ ଜବତ ହୋଇଛି ।
ସୂଚନା ଅନୁଯାୟୀ, ବୁଧବାର ତିନି ଜଣ ବି-ଟେକ୍ ଛାତ୍ର ଅରକ୍କୁ ଘାଟିରୁ ବିଶାଖାପାଟାନମ୍ ପର୍ଯ୍ୟନ୍ତ ଏକ କାର ଯୋଗେ ଭାଙ୍ଗ ନେଇଯାଉଥିଲେ । ଖବର ପାଇ ଆନ୍ଧ୍ର ପୋଲିସ ସେମାନଙ୍କୁ ଗିରଫ କରିବା ସହ ସେମାନଙ୍କଠାରୁ 10 କିଲୋଗ୍ରାମର ଭାଙ୍ଗ ଜବତ କରିଥିଲେ । ଏଥିସହ ତିନିଜଣ ବି-ଟେକ୍ ଛାତ୍ରଙ୍କର ସେଲ୍ ଫୋନ ମଧ୍ୟ ଜବତ କରିଥିବା ନେଇ କହିଛନ୍ତି କୋଥାବଲସା ସର୍କଲ ଇନସ୍ପେକ୍ଟର ଏସ୍. ଶ୍ରୀନିବାସ ରାଓ ।
ପ୍ରକାଶ ଥାଉକି, ଉକ୍ତ ଛାତ୍ରମାନେ ଗୁଣ୍ଟୁର ଜିଲ୍ଲାର ଓ ଅଧିକରୁ ଅଧିକ ଟଙ୍କା ରୋଜଗାର ଆଶାରେ ସେମାନେ ଭାଙ୍ଗ ବ୍ଯବସାୟ କରୁଥିବାର ପ୍ରକାଶ ।
