ନୂଆଦିଲ୍ଲୀ: ଦିଲ୍ଲୀର ସରକାରୀ ସ୍କୁଲର ଶ୍ରେଣୀ ଗୃହରେ ଲାଗିବନି ସିସିଟିଭି କ୍ୟାମେରା । ଏନେଇ ରାୟ ଶୁଣେଇଛନ୍ତି ସୁପ୍ରିମମକୋର୍ଟ । ତେବେ ପୂର୍ବରୁ ଏହି ଘଟଣା ଉପରେ ସୁପ୍ରିମକୋର୍ଟ ରହିତାଦେଶ ଜାରି କରିଥିବା ବେଳେ ଆଜି ଏଥିରେ ପୂର୍ଣ୍ଣଚ୍ଛେଦ ପଡିଛି ।
ଖବର ଅନୁଯାୟୀ, ନୂଆଦିଲ୍ଲୀର ସମସ୍ତ ସ୍କୁଲର ଶ୍ରେଣୀ ଗୃହରେ 1.5 ଲକ୍ଷ ଟଙ୍କାର ସିସିଟିଭି କ୍ୟାମେରା ଲଗାଇବା ପାଇଁ ଆମ ଆଦମି ପାର୍ଟିର ନେତାମାନେ ଦାବି କରିଥିଲେ । ଏହି କ୍ୟାମେରା ଲଗାଇବା ଫଳରେ ଛାତ୍ରଛାତ୍ରୀଙ୍କ ପିତାମାତା ଘରେ ବସି ପିଲାଙ୍କ ସମସ୍ତ କାର୍ଯ୍ୟାକଳାପ ଦେଖିପାରିବେ ବୋଲି କୁହାଯାଇଥିଲା । ହେଲେ ଛାତ୍ରଛାତ୍ରୀଙ୍କ ଗୋପନୀୟତାକୁ ଧ୍ୟାନରେ ରଖି ସୁପ୍ରିମକୋର୍ଟ ଏହାକୁ ଖଣ୍ଡନ କରିଛନ୍ତି ।
