ନୂଆଦିଲ୍ଲୀ: ଦେଶରେ ଦାରିଦ୍ର୍ୟ ସୀମାରେଖା ତଳେ ଥିବା ଲୋକଙ୍କୁ ଉତ୍ତମ ସ୍ବାସ୍ଥ୍ୟସେବା ଯୋଗାଇଦେବା ପାଇଁ କେନ୍ଦ୍ର ସରକାରଙ୍କ ପକ୍ଷରୁ ଆରମ୍ଭ ହୋଇଥିଲା ଆୟୁଷ୍ମାନ ଭାରତ ଯୋଜନା । ହେଲେ କିଛି ରାଜ୍ୟ ଦେଶର ଏହି ଲୋକ କଲ୍ୟାଣକାରୀ ଯୋଜନାକୁ ଲାଗୁ କରୁନଥିବା ନେଇ ଅଭିଯୋଗ ହୋଇଛି ।
ଓଡିଶା, ତେଲେଙ୍ଗାନା, ଦିଲ୍ଲୀ ଓ ପଶ୍ଚିମବଙ୍ଗ ଆୟୁଷମାନ ଭାରତ ଯୋଜନା ଲାଗୁ କରିନଥିବା ଦାବି କରି ସୁପ୍ରିମକୋର୍ଟରେ ଦାଖଲ ହୋଇଥିଲା ମାମଲା । ତେବେ ମାମଲାର ଶୁଣାଣି କରି ଏହି 4 ରାଜ୍ୟକୁ ନୋଟିସ ଜାରି କରିଛନ୍ତି ସର୍ବୋଚ୍ଚ ନ୍ୟାୟାଳୟ ।
ଆୟୁଷ୍ମାନ ଭାରତ ଯୋଜନା ସରକାରଙ୍କ ଏକ ସ୍ବାସ୍ଥ୍ୟ ଯୋଜନା, ଯାହାର ଉଦ୍ଦେଶ୍ୟ ରହିଛି ଯେ ଆର୍ଥିକାଭାବରେ ଦୁର୍ବଳ ଶ୍ରେଣୀଙ୍କୁ ସ୍ବାସ୍ଥ୍ୟ ବୀମା ଯୋଗାଇବା । ଏହି ଯୋଜନା ଅଧିନରେ ଆସୁଥିବା ପ୍ରତ୍ୟେକ ପରିବାରକୁ 5 ଲକ୍ଷ ଟଙ୍କା ପର୍ଯ୍ୟନ୍ତ ସ୍ବାସ୍ଥ୍ୟ ବୀମା ଉପଲବ୍ଧ କରାଯିବାର ପ୍ରାବଧାନ ରହିଛି ।