ଗାନ୍ଧୀନଗର: ଗୁଜୁରାଟରେ କୋରୋନାରେ ଶନିବାର ଗୁଜୁରାଟର ରାଜକୋଟ ଭିତ୍ତିକ ସଂସ୍ଥା ଜ୍ୟୋତି ସିଏନ୍ସି ଏକ ଭେଣ୍ଟିଲେଟରର ସଫଳ ପରୀକ୍ଷଣ କରିଛନ୍ତି । ନିର୍ମାଣ ହୋଇଥିବା ଏହି ଭେଣ୍ଟିଲେଟରର ନାଁ 'ଧାମନ 1' ରଖାଯାଇଛି ।
ତେବେ କୋରୋନା ଭାଇରାସ ବ୍ୟାପିଥିବାବେଳେ ଏହାକୁ ନଜରରେ ରଖି ଏହି ସଂସ୍ଥା ପ୍ରସ୍ତୁତ କରିଥିବା ଜଣାପଡିଛି । ଆକ୍ରାନ୍ତଙ୍କ ଚିକିତ୍ସା ପାଇଁ ଏହାର ଆବଶ୍ୟକ ରହିଥିବାବେଳେ ଗୁଜୁରାଟ ସରକାରଙ୍କୁ ଜ୍ୟୋତି ସିଏନ୍ସି ଗୋଟିଏ ଭେଣ୍ଟିଲେଟର ବିନା ମୂଲ୍ୟରେ ପ୍ରଦାନ କରିଛନ୍ତି । ଯାହାର ଦାମ ପ୍ରାୟ 1 ଲକ୍ଷ ଟଙ୍କା ହେବ । ଆଗକୁ ମଧ୍ୟ ଏହି ସଂସ୍ଥା 1000ଟି ଭେଣ୍ଟିଲେଟର ପ୍ରଦାନ କରିବା ନେଇ କହିଛି ।
ବର୍ତ୍ତମାନ ରାଜ୍ୟରେ 122 ଜଣ ଆକ୍ରାନ୍ତ ହୋଇଥିବାବେଳେ 12 ଜଣ ମୃତ୍ୟୁ ବରଣ କରିଛନ୍ତି ।
