ନୂଆଦିଲ୍ଲୀ: ପ୍ରଧାନମନ୍ତ୍ରୀ ମୋଦି ହିନ୍ଦୀ ଭାଷାକୁ କହିବାକୁ ନେଇ ଏମଡିଏମକେ ନେତା ତଥା ରାଜ୍ୟସଭା ସାଂସଦ ବାଇକୋଙ୍କ ଆଟାକ । ରାଷ୍ଟ୍ରଭାଷା ହିନ୍ଦୀ ଓ ଅନ୍ୟ ଭାରତୀୟ ଭାଷାକୁ ନେଇ ବିବାଦୀୟ ମନ୍ତବ୍ୟ ଦେଇଛନ୍ତି ମରୁମଲାରଚି ଦ୍ରାବିଡ ମୁନେତ୍ର କଷଗମ(ଏମଡିଏମକେ) ନେତା ବାଇକୋ।
ଦିର୍ଘ 23 ବର୍ଷ ପରେ ରାଜ୍ୟସଭାରେ ପହଞ୍ଚିଥିବା ବାଇକୋ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସମେତ ଅଧିକାଂଶ ସଦସ୍ୟଙ୍କ ହିନ୍ଦୀରେ ସମ୍ବର୍ଦ୍ଧନ କରିବାକୁ ନେଇ ଆପତ୍ତି ଉଠାଇଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ, ହିନ୍ଦୀ ଭାଷା କାରଣରୁ ସଂସଦରେ ଉଠୁଥିବା ମୁଦ୍ଦା ଆହୁରି ନିମ୍ନ ସ୍ତରକୁ ନେଇ ଯାଉଛି । ତାଙ୍କ କହିବା କଥା ପ୍ରଧାନମନ୍ତ୍ରୀ କେବଳ ହିନ୍ଦୀ ଭାଷାର ପ୍ରୟୋଗ କରିବା ପଛରେ 'ହିନ୍ଦୀ, ହିନ୍ଦୁ, ହିନ୍ଦୁ ରାଷ୍ଟ୍ର' କୁ ଉସକେଇବା ସହ ପ୍ରେରିତ କରୁଛି ।
ପ୍ରଧାନମନ୍ତ୍ରୀ ହିନ୍ଦୀ ଭାଷା କହୁଥିବା ନେଇ ବାଇକୋ ଆହୁରି ମଧ୍ୟ କହିଛନ୍ତି ଯେ, ମୋଦିଙ୍କ ପୂର୍ବରୁ ଥିବା ସମସ୍ତ ପ୍ରଧାନମନ୍ତ୍ରୀ ଇଂରାଜୀ ଭାଷା କହୁଥିବାବେଳେ ମୋଦି କିନ୍ତୁ କେବଳ ହିନ୍ଦୀ ଭାଷା ଅଧିକ ପ୍ରୀତି ରହିଛି । ଅଟଳ ବିହାରୀ ବାଜପେୟୀ ମଧ୍ୟ ପ୍ରଧାନମନ୍ତ୍ରୀ ଥିବା ସମୟରେ ଇଂରାଜୀରେ କଥାବାର୍ତ୍ତା ହେଉଥିଲେ । ସଂସଦରେ ଯେତେ ପର୍ଯ୍ୟନ୍ତ ସମ୍ବିଧାନର ମାନ୍ୟତାପ୍ରାପ୍ତ ସବୁ 28 ଭାଷାରେ କଥାବାର୍ତ୍ତା ଆରମ୍ଭ ହୋଇ ଯାଇନି, ସେପର୍ଯ୍ୟନ୍ତ ଯାଁଏ କେବଳ ଇଂରାଜୀ ଭାଷାରେ ସଂସଦରେ କଥା ହେବା ଉଚିତ।
