ଥିରୁଅନନ୍ତପୁରମ: ନିଜ ବୁଦ୍ଧି ଓ କୌଶଳ ବଳରେ ଅଳିଆ ଓ ପ୍ଲାଷ୍ଟିକକୁ ବ୍ୟବହାର କରି ଘର ସଜେଇବା ସାମଗ୍ରୀ ପ୍ରସ୍ତୁତ କରିଛନ୍ତି କେରଳର ପଥାନାମାଥିଟ୍ଟାର ଜଣେ ମହିଳା ଶ୍ରୀ ରଶ୍ମୀ। ସେ ସ୍ପ୍ରେ ବୋତଲ, ଖବର କାଗଜ, ଅଣ୍ଡା ଖୋଳପା ଓ କିଛି ପ୍ଲାଷ୍ଟିକକୁ ମିଶାଇ ଏପରି ଘରସଜ୍ଜା ସମଗ୍ରୀ ପ୍ରସ୍ତୁତ କରି ଅନ୍ୟଙ୍କ ପାଇଁ ଉଦାହରଣ ପାଲଟିଛନ୍ତି।
ଭିଡିଓ ସୌଜନ୍ୟ: ଇଟିଭି ଭାରତ ବ୍ୟୁରୋ
ଏଭଳି ଧରଣର ସମଗ୍ରୀ ପ୍ରସ୍ତୁତ କରିଥିବା ଶ୍ରୀ ରଶ୍ମୀ ଜଣେ ବ୍ୟାଙ୍କ କର୍ମଚାରୀ। ତାଙ୍କ କହିବା କଥା ଯେ, ଏହି ଅଳିଆକୁ ବାହାରେ ପକାଇବା ଦ୍ବାରା ପ୍ରଦୂଷଣ ବଢିଥାଏ । ତେବେ ଏହାକୁ ବ୍ୟବହାର କରି କିଛି ନୂଆ ଜିନିଷ ନିର୍ମାଣ କରିବାକୁ ମୁଁ ଭାବିଲି । ତେବେ ଏହାକୁ ତିଆରି କରି ଯଦି ଗୃହିଣୀ ବଜାରରେ ବିକ୍ରି କରନ୍ତି ତେବେ ସେମାନଙ୍କ ପାଇଁ ଏହା ରୋଜଗାରର ମାଧ୍ୟମ ହୋଇପାରିବ। ରଶ୍ମୀଙ୍କ ଏହି କାମକୁ ତାଙ୍କ ପିତାମାତା ଏବଂ ତାଙ୍କ ସ୍ବାମୀ ରତ୍ନେଶ ସମର୍ଥନ ଜଣାଇଛନ୍ତି।
