ନୂଆଦିଲ୍ଲୀ: ଉପରାଷ୍ଟ୍ରପତି ଏମ ଭେଙ୍କୟା ନାଇଡୁ ରାମାୟଣରେ ବର୍ଣ୍ଣିତ ଧର୍ମ ତଥା ଧର୍ମର ସାର୍ବଭୈମିକ ସନ୍ଦେଶକୁ ବୁଝିବା ପାଇଁ ଲୋକଙ୍କୁ ଅନୁରୋଧ କରିଛନ୍ତି। ରବିବାର 17ଟି ଭାଷାରେ ‘ମନ୍ଦିର ପୁନଃନିର୍ମାଣ’, ‘ଏନସାୟରିଙ୍ଗ ଦ ଭ୍ୟାଲୁ’ନାମକ ଏକ ଫେସବୁକ୍ ପୋଷ୍ଟରେ ଉପରାଷ୍ଟ୍ରପତି ଅଗଷ୍ଟ 5ରେ ଅଯୋଧ୍ୟାରେ ପ୍ରଭୁ ରାମଙ୍କ ମନ୍ଦିରର ପୁନଃନିର୍ମାଣକୁ ନେଇ ଖୁସି ବ୍ୟକ୍ତ କରିଛନ୍ତି।
ଏହାକୁ ନେଇ ଉପରାଷ୍ଟ୍ରପତି କହିଛନ୍ତି, ଯଦି ଆମେ ରାମାୟଣର ମହତ୍ତ୍ୱ ବୁଝିପାରି ଏହାକୁ ସଠିକ୍ ଦୃଷ୍ଟିକୋଣରେ ଦେଖିପାରିବା ତେବେ ଏହି ମୁହୂର୍ତ୍ତ ଏକ ସାମାଜିକ ଆଧ୍ୟାତ୍ମିକ ପରିବେଶର କାରଣ ହୋଇପାରେ । ତେବେ ଉପରାଷ୍ଟ୍ରପତି ଏହାକୁ ଏକ ଏପରି କାହାଣୀ ଭାବରେ ବର୍ଣ୍ଣନା କରିଛନ୍ତି । ଯାହାକି ଅନନ୍ୟ ଭାରତୀୟ ଅଦ୍ବିତୀୟ ରୂପରେଖକୁ ଆକର୍ଷିତ କରିଥାଏ। ଏହାଛଡା ସେ ରାମରାଜ୍ୟକୁ ସହାନୁଭୂତି, ଶାନ୍ତିପୂର୍ଣ୍ଣ ତଥା ଶାସନ ପାଇଁ ଲୋକକୈନ୍ଦ୍ରିକ ଗଣତାନ୍ତ୍ରିକ ଶାସନର ଏକ ଆଦର୍ଶ ବୋଲି ବର୍ଣ୍ଣନା କରିଛନ୍ତି ।
