ବେଙ୍ଗାଲୁରୁ: ସ୍ପେସ ପଲିସି ଏବଂ ସ୍ପେସ ଆକ୍ଟିଭିଟି ବିଲ ଏବେ ଅନ୍ତିମ ପର୍ଯ୍ଯାୟରେ ରହିଛି। ଖୁବ ଶୀଘ୍ର ଏହାର ଅନୁମୋଦନ ପାଇଁ କେନ୍ଦ୍ର କ୍ୟାବିନେଟ ସମ୍ମୁଖରେ ରଖାଯିବ । ଏ ନେଇ ଆନ୍ତ-ମନ୍ତ୍ରୀସ୍ତରୀୟ ପରାମର୍ଶ ଆରମ୍ଭ ହୋଇଛି ବୋଲି ଭାରତୀୟ ମହାକାଶ ଗବେଷଣା ସଙ୍ଗଠନ (ଇସ୍ରୋ)ର ସାଇଣ୍ଟିଫିକ ସଚିବ ଆର ଉମା ମହେଶ୍ବରମ କହିଛନ୍ତି ।
ଏହି ବିଲ ସ୍ପେସ କାର୍ଯ୍ୟକଳାପକୁ ବାଖ୍ୟା କରିଥାଏ ।ଇସ୍ରୋ ଦ୍ବାରା ଆୟୋଜିତ ୱେବିନାରରେ ‘ ସ୍ପେସ ସେକ୍ଟରରେ ଭାରତର ସମ୍ଭାବନାକୁ ଅନଲକ ’ ଶୀର୍ଷକୁ ଦର୍ଶାଇ ମହେଶ୍ବରମ ଆହୁରୀ ମଧ୍ୟ କହିଛନ୍ତି କି, ଏହି ବିଲକୁ ଶାଘ୍ର କ୍ୟାବିନେଟକୁ ପଠାଯିବ । ଯାହା ପରେ ଏହାକୁ ସଂସଦରେ ଆଗକ କରାଯିବ । ଯାହା ପାଇଁ ଏକ ଆକ୍ଟ ଅଧିନରେ ମତଦାନ ବା ଭୋଟ କରାଯିବ ।
‘‘ ବର୍ତ୍ତମାନ ପାଇଁ ଉଦ୍ୟୋଗକୁ ଆଗକୁ ବଢାଇପାରିବା । କାମ ଆରମ୍ଭ ପାଇଁ ଉଦ୍ୟୋଗ ଇଣ୍ଡିଆନ ନ୍ୟାସନାଲ ସ୍ପେସ ପ୍ରମୋସନ ଆଣ୍ଡ ଅଥରାଇଜେସନ ସେଣ୍ଟର (IN-SPACe) ସହ ମିଶି କାମ କରିପାରିବ । କିନ୍ତୁ ଯେତେବଳେ ଯାନବାହାନ ଉତକ୍ଷେପଣ କରିବାର ସମୟ ଆସେ କିମ୍ବା ଯେତେବେଳେ ସେମାନେ ଉପଗ୍ରହ ସହିତ ପ୍ରସ୍ତୁତ ହୁଅନ୍ତି, ସେତେବେଳେ ବିପଦ ଏବଂ liabilities ଏବଂ ନିୟମାବଳୀ ପ୍ରସ୍ତୁତ ହେବା ଆବଶ୍ୟକ ବୋଲି ମହେଶ୍ବରମ କହିଛନ୍ତି ।
ସେ ଏକ ନୂଆ ନାଭିଗେସନ ପଲିସି ଆଣିବାକୁ ମଧ୍ୟ ସଙ୍କେତ ଦେଇଛନ୍ତି କିନ୍ତୁ ଅଧିକ ବିବରଣୀ ପ୍ରକାଶ କରି ନାହାଁନ୍ତି।
2020 ଜୁନ ମାସରେ ସରକାର ଭାରତୀୟ ମହାକାଶ କ୍ଷେତ୍ରରେ ଏକ ପ୍ରମୁଖ ସଂସ୍କାର ନେଇ ଘୋଷଣା କରିଥିଲେ । ସରକାର ଏହି କ୍ଷେତ୍ରରେ ଘରୋଇ କମ୍ପାନୀଙ୍କ ଯୋଗଦାନ ନେଇ ଘୋଷଣା କରିଥିଲେ । ଏହା ଅନୁସାରେ ଘରୋଇ ସେକ୍ଟର ରକେଟ, ଉପଗ୍ରହ ନିର୍ମାଣ ଏବଂ ଉତକ୍ଷେପଣ ସେବା ଯୋଗାଇବା ଭଳି ମହାକାଶ କାର୍ଯ୍ୟକଳାପରେ ଯୋଗଦାନ ଦେଇପାରିବେ ।
ଇସ୍ରୋ ଅଧ୍ୟକ୍ଷ କହିଛନ୍ତି ଯେ ଖୁବ ଶୀଘ୍ର ଅନୁମୋଦନ ପାଇଁ ଏକ ବ୍ୟବସ୍ଥା ଲାଗୁ ହେବ ଯାହା କୌଣସି ପ୍ରତିବନ୍ଧକ ବିନା ଏହି କାର୍ଯ୍ୟକଳାପକୁ ସକ୍ଷମ କରିବ ।
ସ୍ପେସ ପଲିସି ଏବଂ ସ୍ପେସ କାର୍ଯ୍ୟକଳାପ ବିଲ ଏହି ରଣନୀତିକ କ୍ଷେତ୍ରରେ ଆଇନଗତ ସମସ୍ୟାର ସମାଧାନ କରିବାରେ ସାହାଯ୍ୟ କରିବ ।
