''ହାଡ୍ ଏ ଲିଟିଲ ଡ୍ୟାନ୍ସ'' , ଏହି ଉକ୍ତିଟି ପଢି ଆପଣଙ୍କୁ ନିଶ୍ଚିତ କାହା କଥା ମନେ ପଡିଯାଉଥିବ। ଆଜ୍ଞା ହଁ ଆମେ କହୁଛୁ ଆପଣଙ୍କୁ ନ୍ୟୁଜିଲାଣ୍ଡ ପ୍ରଧାନମନ୍ତ୍ରୀଙ୍କ କଥା। ଦେଶରେ କୋରୋନା ମାମଲା ଶୂନରେ ପହଁଞ୍ଚିବା ପରେ ଖୁସିରେ ଗଣମାଧ୍ୟମକୁ ପ୍ରତିକ୍ରିୟା ରଖି ସେ ଏପରି କରିଥିଲେ।
ତେବେ ଭାରତରେ ବହୁ ପୂର୍ବରୁ ଲକଡାଉନ ଓ ସାମାଜିକ ଦୂରତା ରକ୍ଷା କରି ମଧ୍ୟ କୋରୋନାରେ ରୋକ ଲାଗିଲାନି। ହେଲେ ନ୍ୟୁଜିଲ୍ୟାଣ୍ଡ ସରକାର ଏଥିପ୍ରତି କି ଦୃଢ ପଦକ୍ଷେପ ନେଲେ ତାକୁ ନେଇ ସବୁ ଆଡେ ଚର୍ଚ୍ଚା ହେଉଛି। ତେବେ ଏହି ମଡେଲକୁ 'ସାମାଜିକ ବବଲ୍' ମଡେଲ୍ କୁହାଯାଉଛି, ଯାହା ପ୍ରଥମେ ନ୍ୟୁଜିଲ୍ୟାଣ୍ଡରେ ଏବଂ ବର୍ତ୍ତମାନ ବ୍ରିଟେନରେ ଗ୍ରହଣ କରାଯାଇଥିଲା । ଆସନ୍ତୁ ଏହା ବିଷୟରେ ବିସ୍ତୃତ ଭାବରେ ଜାଣିବା ।
ନ୍ୟୁଜିଲ୍ୟାଣ୍ଡର 'ସାମାଜିକ ବବଲ୍' ମଡେଲ୍ କୋରୋନା ସଂକ୍ରମଣରୁ ମୁକ୍ତ ହେବା ପରେ ସାରା ବିଶ୍ୱରେ ଚର୍ଚ୍ଚାର ବିଷୟ ପାଲଟିଛି। ବ୍ରିଟିଶ ପ୍ରଧାନମନ୍ତ୍ରୀ ବୋରିସ୍ ଜନସନ ମଧ୍ୟ ନ୍ୟୁଜିଲ୍ୟାଣ୍ଡରେ ଗ୍ରହଣ କରାଯାଇଥିବା ଏହି ମଡେଲକୁ କାର୍ଯ୍ୟକାରୀ କରିବା ବିଷୟରେ କହିଛନ୍ତି। ବ୍ରିଟେନର ଅକ୍ସଫୋର୍ଡ ୟୁନିଭରସିଟି ସାମାଜିକ ବବଲ ମଡେଲ ଉପରେ ଅନୁସନ୍ଧାନ ପରେ କହିଛି ଯେ ଏହି ମଡେଲକୁ ଗ୍ରହଣ କଲେ ସଂକ୍ରମଣ ମାମଲା ହ୍ରାସ ହୋଇପାରେ।
ଭାରତ, ବ୍ରିଟେନ, ଆମେରିକା ଭଳି ଦେଶ ତୁଳନାରେ ନ୍ୟୁଜିଲ୍ୟାଣ୍ଡର ଜନସଂଖ୍ୟା 5 ନିୟୁତରୁ କମ୍। ସାମାଜିକ ବବଲ୍ ସହ ନ୍ୟୁଜିଲ୍ୟାଣ୍ଡରେ ସାତ ସପ୍ତାହର କଡା ତାଲା ପଡିଥିଲା। ଏହି ସମୟରେ 1154 ଟି ମାମଲା ରୁଜୁ ହୋଇଥିଲା ଏବଂ କେବଳ 22 ଜଣଙ୍କର ମୃତ୍ୟୁ ହୋଇଥିଲା। ବର୍ତ୍ତମାନ ଦେଶ କରୋନା ମୁକ୍ତ।
ଅନୁସନ୍ଧାନକାରୀଙ୍କ କହିବା ଅନୁଯାୟୀ ସାମାଜିକ ବବଲ ଏବଂ ସାମାଜିକ ଦୂରତା ମଧ୍ୟରେ ପାର୍ଥକ୍ୟ ଅଛି । ସାମାଜିକ ଦୂରତାରେ ଲୋକଙ୍କୁ ଭିଡ଼ କିମ୍ବା ଗୋଷ୍ଠୀରେ ରହିବାକୁ ଅନୁମତି ଦିଆଯାଇନଥାଏ ଯେତେବେଳେ କି ସାମାଜିକ ବବୁଲରେ ସଦସ୍ୟ, ବନ୍ଧୁ କିମ୍ବା ଚାକିରୀମାନେ ଘରେ ସାକ୍ଷାତ କରିବାକୁ ଅନୁମତି ପାଇଥା’ନ୍ତି । ତଥାପି, କଥାବାର୍ତ୍ତା ସମୟରେ ପର୍ଯ୍ୟାପ୍ତ ଦୂରତା ରଖିବା ଆବଶ୍ୟକ ।
