ଶିମଲା: ହିମାଚଳ ପ୍ରଦେଶରେ ଭୂମିକମ୍ପ । ହିମାଚଳ ପ୍ରଦେଶର ଚାମ୍ବା ଜିଲ୍ଲାରେ ସାମାନ୍ୟ ଭୂମିକମ୍ପ ଅନୁଭୂତ ହୋଇଛି। ସୋମବାର ସକାଳେ ଚାମ୍ବା ଜିଲ୍ଲାର ପାଞ୍ଚ କିଲୋମିଟର ମଧ୍ୟରେ ଏହି ଭୂମିକମ୍ପ ଅନୁଭୂତ ହୋଇଥିଲା । ମାତ୍ର ଏଥିରେ କୌଣସି କ୍ଷତି ହୋଇନଥିବା ଜଣାପଡିଛି ।
ସୂଚନା ଅନୁଯାୟୀ, ସୋମବାର ସକାଳ 7.53 ସମୟରେ ଚାମ୍ବା ଜିଲ୍ଲାରେ 48 ସେକେଣ୍ଡ ପାଇଁ ଏହି ଭୂମିକମ୍ପ ଅନୁଭୂତ ହୋଇଥିଲା। ତେବେ ଭୂମିକମ୍ପର ତିବ୍ରତା ରିକ୍ଟର ସ୍କେଲ 3.5 ରେକର୍ଡ କରାଯାଇଛି ।
ପ୍ରକାଶ ଥାଉକି, ହିମାଚଳ ପ୍ରଦେଶର ଚାମ୍ବା ଜିଲ୍ଲାରେ ସର୍ବାଧିକ ଭୂମିକମ୍ପ ଅନୁଭୂତ ହୋଇଛି । ଗତ ମାର୍ଚ୍ଚ ଶେଷ ସପ୍ତାହରେ ଚାମ୍ବା ଜିଲ୍ଲାରେ 6 ଥର ଭୂମିକମ୍ପ ଅନୁଭୂତ ହୋଇଥିଲା ।
