ନୂଆଦିଲ୍ଲୀ: ନାଗରିକତା ସଂଶୋଧନ କାନୁନକୁ ବିରୋଧ କରି ଶାହିନ ବାଗରେ ଦୀର୍ଘ ଏକ ମାସ ହେବ ବିକ୍ଷୋଭ ପ୍ରଦର୍ଶନ ଜାରି ରହିଛି । ଏହା ମଧ୍ୟରେ ଅନେକ ନେତା ପ୍ରଦର୍ଶନକୁ ସମର୍ଥନ କରିଛନ୍ତି । ସୋମବାର କଂଗ୍ରେସର ବରିଷ୍ଠ ନେତା ଦିଗବିଜୟ ସିଂହ ମଧ୍ୟ ଶାହିନ ବାଗ ପହଞ୍ଚିଥିଲେ ।
ସିଏଏ, ଏନଆରସି ଓ ଏନପିଆରକୁ ବିରୋଧ କରିଥିଲେ ଦିଗବିଜୟ ସିଂହ । କେନ୍ଦ୍ରର ବିଭାଜନକାରୀ ନୀତିକୁ ଆମେ ସମର୍ଥନ କରିବୁନି, କୌଣସି ବ୍ୟକ୍ତିଙ୍କୁ ନାଗରିକତା ପ୍ରମାଣ ମାଗିବା କାହାର ଅଧିକାର ନୁହେଁ ବୋଲି ମତ ରଖିଛନ୍ତି ସେ ।
ପ୍ରକାଶ ଥାଉ କି, ଦିଲ୍ଲୀର ଶାହିନ ବାଗରେ ଏକ ମାସ ହେବ ନାଗରିକତା ସଂଶୋଧନ କାନୁନ, ଏନଆରସିକୁ ନେଇ ବିରୋଧ ପ୍ରଦର୍ଶନ କରାଯାଉଛି । ନିକଟରେ କଂଗ୍ରେସ ନେତା ଶଶି ଥରୁର ମଧ୍ୟ ଶାହିନ ବାଗରେ ହେଉଥିବା ବିକ୍ଷୋଭରେ ସାମିଲ ହୋଇଥିଲେ ।
