ନୂଆଦିଲ୍ଲୀ: ଦେଶରେ କୋରୋନା ସଂକ୍ରମଣ ଦିନକୁ ଦିନ ବଢିବାକୁ ଲାଗିଛି । ଆଉ ତାହାକୁ ତାଳ ଦେଇ ବଢିଛାଲିଛି ପେଟ୍ରୋଲ ଓ ଡିଜେଲ ଦର । ଯାହାକୁ ନେଇ ଗ୍ରାହକଙ୍କ ପକେଟରେ ନିଆଁ ଲାଗିଛି । ତେବେ ଦେଶରେ ଏବେ ଆର୍ଥିକ ସ୍ଥିତି ଠିକ ନଥିବାବେଳେ ତୈଳଦର ବୃଦ୍ଧି ପ୍ରସଙ୍ଗକୁ ନେଇ ସରକାରଙ୍କୁ ବିରୋଧୀ ଆଉ ବିରୋଧୀ-ବିରୋଧୀଙ୍କ ମଧ୍ୟରେ ବାକଯୁଦ୍ଧ ଆରମ୍ଭ ହୋଇଯାଇଛି ।
ଆପ ବିଧାୟକ ଅବଦ୍ଦୁଲ ରେହମାନ ଏହାକୁ ନେଇ ଉଭୟ ବିଜେପି ଓ କଂଗ୍ରେସ ଉପରେ ଜୋରଦାର ବର୍ଷିଛନ୍ତି । ସେ କହିଛନ୍ତି ଯେ, "କଂଗ୍ରେସ କେବଳ ତୁଚ୍ଛାକୁ ରାଜନୀତି କରୁଛି । ଏବେ ତ କଂଗ୍ରେସ ଦଳରେ କେହି ନେତା ନାହାଁନ୍ତି ଯିଏ ସରକାରଙ୍କୁ ବିରୋଧ କରିବ । ଆଉ ଯେଉଁମାନେ ଅଛନ୍ତି ତାଙ୍କ କଥା କେହି ଶୁଣୁନାହାଁନ୍ତି " ।
ରାଜଧାନୀ ଦିଲ୍ଲୀର ସିଲମପୁର ବିଧାନସଭା ନିର୍ବାଚନମଣ୍ଡଳୀର ବିଧାୟକ ଆପ ନେତା ଅବଦ୍ଦୁଲ ରେହମାନ କହିଛନ୍ତି ଯେ, "ଏହି ତୈଳଦର ଯୋଗୁଁ ଦେଶବାସୀ ନାନା ଅସୁବିଧା ଭୋଗୁଛନ୍ତି । ମାତ୍ର ଶାସକ ଦଳକୁ ଏହା ଦେଖାଯାଉନି । କେବଳ ଦଳର ନେତା ନୁହେଁ ପୁରା ଦେଶବାସୀ ଏହାର ଦାମ କମ ଅର୍ଥାତ ବିକଳ୍ପ ଚାହୁଁଥିବା" ସେ କହିଛନ୍ତି ।
