ସୋପିଆନ: ଜମ୍ମୁ-କାଶ୍ମରୀରେ ସୁରକ୍ଷାବଳଙ୍କ ଆତଙ୍କୀ ଅଭିଯାନ ଜାରି ରହିଛି । ସୋମବାର ଉଭୟ ପକ୍ଷରୁ ଗୁଳି ବିନିମୟ ଆରମ୍ଭ ହୋଇଥିବା ବେଳେ ପୁଣି ଜଣେ ଆତଙ୍କୀକୁ ନିପାତ କରିଛନ୍ତି ସୁରକ୍ଷାକର୍ମୀ । ସୋପିଆନ ମୋଲୁ-ଚିତ୍ରଗାମରେ ଏବେ ବି ଜାରି ରହିଛି ଗୁଳି ବିନିମୟ ।
ଉଭୟ ପକ୍ଷରୁ ବହୁ ସମୟ ଧରି ଗୁଳି ବିନିମୟ ଜାରି ରହିଥିବା ବେଳେ ଜଣେ ଆତଙ୍କୀ ନିହତ ହୋଇଥିବା ସୂଚନା ରହିଛି । ଲଗାତାର କିଛି ଦିନ ଧରି ସୀମାରେ ଅଶାନ୍ତ ଥିବା ବେଳେ ଗୋଟିଏ ପରେ ଗୋଟିଏ ଆତଙ୍କୀଙ୍କୁ ସଫା କରିଚାଲିଛନ୍ତି ସେନା ।
ଆତଙ୍କବାଦୀଙ୍କୁ ସେନା କଡା ଜବାବ ଦେଉଥିବା ବେଳେ 2019 ମେ' ମାସ ସୁଦ୍ଧା 100 ଊର୍ଦ୍ଧ୍ବ ଆତଙ୍କବାଦୀଙ୍କ ମୁଣ୍ଡ ଗଡାଇଛନ୍ତି ।
