ବେଙ୍ଗାଲୁରୁ: ମଧ୍ୟପ୍ରଦେଶରେ କିଛି ଦିନରୁ ରାଜନୈତିକ ମାହୋଲ ସରଗରମ ରହିଛି । ଉଭୟ ବିଜେପି ଓ କଂଗ୍ରେସ ନିଜ ନିଜର ବିଧାୟକଙ୍କୁ ସୁରକ୍ଷିତ ରଖିବାକୁ ପ୍ରୟାସ ଜାରି ରଖିଛନ୍ତି । ଏପରି ସ୍ଥିତିରେ ବେଙ୍ଗାଲୁରୁର ରିସର୍ଟରେ ଥିବା କଂଗ୍ରେସର 19 ବିଧାୟକଙ୍କୁ ଭେଟିବାକୁ ଯାଇଥିବା କମଲନାଥଙ୍କ ମନ୍ତ୍ରୀ ଜିତୁ ପଟଓ୍ବାରୀଙ୍କୁ ଗିରଫ କରିଥିଲା ପୋଲିସ । ଜିତୁଙ୍କ ସହ କଂଗ୍ରେସ ନେତା ଲଖନ ସିଂହ ମଧ୍ୟ ବେଙ୍ଗାଲୁରୁ ଯାଇଥିଲେ ।
ଗିରଫ ପରେ ମୁକୁଳିଲେ କମଲନାଥଙ୍କ ମନ୍ତ୍ରୀ ଜିତୁ ପଟଓ୍ବାରୀ
ଯେଉଁ ରିସର୍ଟରେ ବିଧାୟକଙ୍କୁ ରଖାଯାଇଛି, ସେଠାରେ ପୋଲିସ ସହ ମଧ୍ୟପ୍ରଦେଶ ମନ୍ତ୍ରୀ ଜିତୁ ପଟଓ୍ବାରୀଙ୍କ ମାରପିଟ ହୋଇଥିବା କୁହାଯାଉଛି । ଜିତୁ ପୋଲିସଙ୍କୁ ଦୁର୍ବ୍ୟବହାର କରିଥିବା ଦେଖିବାକୁ ମିଳିଛି । ଏହାପରେ ପୋଲିସ ତାଙ୍କୁ ଗିରଫ କରିଥିଲା । ହେଲେ କିଛି ସମୟ ପରେ ଏମାନେ ମୁକୁଳିଛନ୍ତି । ଏହାପରେ ପଟଓ୍ବାରୀ ବେଙ୍ଗାଲୁରୁରେ କଂଗ୍ରେସ ନେତା ଡିକେ ଶିବକୁମାରଙ୍କୁ ଭେଟିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
