ନୂଆଦିଲ୍ଲୀ: ଆଜି କାଶ୍ମୀର ମାମଲାରେ ସୁପ୍ରିମକୋର୍ଟ ହୋଇଛି ଶୁଣାଣି । ଏହି ମାମଲାରେ କେନ୍ଦ୍ରକୁ ଭତ୍ସନା କରିଛନ୍ତି ସର୍ବୋଚ୍ଚ କୋର୍ଟ । ନାଗରିକଙ୍କ ଅଧିକାର ରକ୍ଷା କରିବା ଜରୁରୀ । ଜନତାଙ୍କ ସୁରକ୍ଷା ମୁଖ୍ୟ ଲକ୍ଷ୍ୟ ବୋଲି କହିଛନ୍ତି ସୁପ୍ରିମକୋର୍ଟ । ଜମ୍ମୁ-କାଶ୍ମୀରରୁ ଧାରା 370 ଉଚ୍ଛେଦ ପରେ ଲାଗିଥିବା କଟକଣାକୁ ନେଇ 7 ଦିନ ଭିତରେ ହେବ ସମୀକ୍ଷା ।
ଅନିଶ୍ଚିତ କାଳ ପର୍ଯ୍ୟନ୍ତ ଇଣ୍ଟରନେଟ ସେବା ବନ୍ଦ କରାଯାଇ ପାରିବ ନାହିଁ । ତେଣୁ ଜରୁରୀ ସେବା ଲାଗି ଇଣ୍ଟରନେଟ ସେବା ତୁରନ୍ତ ଆରମ୍ଭ କରାଯିବ । ଜଷ୍ଟିସ ଏନଭି ରମଣ, ଜଷ୍ଟିସ ଆର ସୁଭାଷ ରେଡ୍ଡି ଏବଂ ଜଷ୍ଟିସ ବି ଆର ଗବଇ ତିନି ଜଣିଆ ସଦସ୍ୟ ମାମଲାର ଶୁଣାଣି କରି ଜମ୍ମୁ କାଶ୍ମୀର ପ୍ରଶାସନକୁ ଏହି ନିର୍ଦ୍ଦେଶ ଦେଇଛନ୍ତି ।
କାଶ୍ମୀରରେ ବାରମ୍ବାର ଧାରା 144ର ଲାଗୁ କରାଯାଇ କ୍ଷମତାର ଅପବ୍ୟବହାର କରାଯାଉଛି । ଠୋସ କାରଣ ବିନା ଇଣ୍ଟରନେଟ ବନ୍ଦ କରାଯିବ ନାହିଁ ବୋଲି କହିଛନ୍ତି ଏହି ତିନି ଜଣିଆ ଖଣ୍ଡପୀଠ ।
