ନୂଆଦିଲ୍ଲୀ: କୋରୋନା ଭାଇରସର ବଢୁଥିବା ମାମଲାକୁ ରୋକିବା ପାଇଁ ପୁରା ଦେଶରେ 21 ଦିନିଆ ଲକ୍ ଡାଉନ୍ ଲାଗୁ ହୋଇଛି । ଏହି ମହାମାରୀରୁ ବଞ୍ଚିବାର ଗୋଟିଏ ହିଁ ଉପାୟ ସାମାଜିକ ଦୂରତା । ତେଣୁ ସରକାର ଲଗାତାର ଜନତାଙ୍କୁ ଲକ୍ ଡାଉନର ପାଳନ କରିବାକୁ କହିଆସୁଛି ।
ଏମଧ୍ୟରେ ଭାରତୀୟ ରିଜର୍ଭ ବ୍ୟାଙ୍କର ଗଭର୍ଣ୍ଣର ଶକ୍ତିକାନ୍ତ ଦାସ ଏକ ଭିଡିଓ ସନ୍ଦେଶ ଜାରି କରିଛନ୍ତି । ଏହି ମହାମାରୀରୁ ବଞ୍ଚିବା ପାଇଁ ବର୍ତ୍ତମାନ ଡିଜିଟାଲ ଉପାୟରେ ଟଙ୍କା ନେଣଦେଣ ପାଇଁ ଅନୁରୋଧ କରିଛନ୍ତି ।
ଭିଡିଓରେ ଶକ୍ତିକାନ୍ତ ଦାସ କହିଛନ୍ତି,‘ କୋରୋନା ଭାଇରସ କାରଣରୁ ଦେଶ ସଙ୍କଟରେ । ଏହି ସମୟରେ ଘରେ ରହି ଡିଜିଟାଲ ଟଙ୍କା ଦେଣନେଣ କରନ୍ତୁ । ଏଥିପାଇଁ ଡେବିଟ୍ କାର୍ଡ, କ୍ରେଡିଟ୍ କାର୍ଡ ଓ ମୋବାଇଲ ଆପ୍ ର ସହାୟତା ନେଇପାରିବେ ’ ।
ପ୍ରକାଶଥାଉକି, କୋରୋନା ଭାଇରସ ରୋକିବା ପାଇଁ ଦେଶ ସମସ୍ତ ଉପାୟ କରିବାରେ ବ୍ୟସ୍ତ । ଲକ୍ ଡାଉନ୍ ସମୟରେ କରେନ୍ସି ନେବା ଆଣିବା କରିବା ଦ୍ବାରା ପରସ୍ପରର ସମ୍ପର୍କରେ ଅଧିକ ଆସିବା ଫଳରେ ଭାଇରସ ବ୍ୟାପିବାର ଡର ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
