କୋଲକାତା: ଆଜି ପବିତ୍ର ରଥ ଯାତ୍ରା । ଏନେଇ ବିଭିନ୍ନ ସ୍ଥାନରେ ଥିବା ଜଗନ୍ନାଥ ମନ୍ଦିରରେ ଏହି କାର୍ଯ୍ୟ ଅନୁଷ୍ଠିତ ହେଉଛି । ବଡଦେଉଳରୁ ବାହାରି ଆସି ରଥ ଉପରେ ବିରାଜମାନ ମହାପ୍ରଭୁ ଜଗନ୍ନାଥ, ବଡଭାଇ ବଳଭଦ୍ର, ଦେବୀ ସୁଭଦ୍ରା ଓ ଚକ୍ରରାଜ ସୁଦର୍ଶନ ।
ତେବେ ଅନେକ କଳ୍ପନା ଜଳ୍ପନା ପରେ କେବଳ ମୁଖ୍ୟ ଦେଉଳ ପୁରୀ ଶ୍ରୀମନ୍ଦିରରେ ରଥଟଣାକୁ ନେଇ ସୁପ୍ରିମ କୋର୍ଟଙ୍କ ପକ୍ଷରୁ ଅନୁମତି ଦିଆଯାଇଛି । ଆଉ ଅନ୍ୟ ସ୍ଥାନରେ କେବଳ ମନ୍ଦିର ପରିସରରେ ହିଁ ରଥଯାତ୍ରା ଅନୁଷ୍ଠିତ ହେବା ନେଇ ନିର୍ଦ୍ଦେଶ ଜାରି ହୋଇଛି ।
ଏନେଇ କୋଲକତା ଇସ୍କନ ପକ୍ଷରୁ ରଥଯାତ୍ରା ଅନୁଷ୍ଠିତ ହୋଇଯାଇଛି । ହେଲେ ସବୁଥର ପରି ଚଳିତଥର ଆଡମ୍ବର ପୂର୍ଣ୍ଣ ରଥଯାତ୍ରା ଆୟୋଜିତ ନ ହୋଇଥିଲେ ମଧ୍ୟ କେବଳ ମନ୍ଦିର ପରିସରରେ ସେବାୟତ ଓ କିଛି କର୍ମୀମାନଙ୍କୁ ନେଇ ଏହା ପାଳନ କରାଯାଉଛି ।
ଏହି ସମୟରେ କୋଭିଡ-19ର ସମସ୍ତ ନିୟମକୁ ଦୃଷ୍ଟିରେ ରଖାଯାଇଛି । ସେବାୟତମାନଙ୍କ ଦ୍ବାରା ସମସ୍ତ ନୀତିକାନ୍ତି କରାଯାଉଛି ।
