ଚାଷ କରିବାକୁ ମନ, ପାରୋଲ ପାଇଁ ଅନୁମତି ମାଗିଲେ ରାମରହିମ

ଜେଲରେ ସଜ୍ଜା କାଟୁଥିବା ଡେରା ମୁଖ୍ୟ ରାମରହିମ ଚାଷ କରିବାକୁ ଇଚ୍ଛା ପ୍ରକାଶ କରିଛନ୍ତି । ଏଥିପାଇଁ ସେ ଜେଲ କର୍ତ୍ତୃପକ୍ଷଙ୍କୁ ପାରୋଲରେ ଯିବା ପାଇଁ ଅନୁମତି ମାଗିଛନ୍ତି ।

ନୂଆଦିଲ୍ଲୀ: ଜେଲରେ କଏଦୀ ଭାବେ ଜୀବନ କାଟୁଥିବା ଡେରା ସଚ୍ଚା ସୌଦା ମୁଖ୍ୟ ଗୁରମିତ ରାମରହିମ ଚାଷ କରିବାକୁ ମନ ବଳାଇଛନ୍ତି । ଏଥିପାଇଁ ସେ ଜେଲ କର୍ତ୍ତୃପକ୍ଷଙ୍କୁ ପାରୋଲ ଯିବା ପାଇଁ ଅପିଲ କରିଛନ୍ତି । ସେ କହିଛନ୍ତି ସିରାସରେ ଖାଲି ପଡିଥିବା ଜମିକୁ ଚାଷ କରିବାକୁ ଚାହୁଁଛନ୍ତି ।

ରାମରହିମଙ୍କ ଏହି ଅପିଲକୁ ଜିଲ୍ଲା ପ୍ରଶାସନକୁ ଜଣାଇ ଦିଆଯାଇଥିବା କହିଛନ୍ତି ଜେଲ କର୍ତ୍ତୃପକ୍ଷ । ତେବେ ଏକ ଦୁଷ୍କର୍ମ ମାମଲାରେ ଜେଲରେ କଏଦୀ ଭାବେ ସଜ୍ଜା କାଟୁଛନ୍ତି ରହିମ । ଜେଲରେ ତାଙ୍କୁ ମାଳି କାମ ଦିଆଯାଉଥିବା ଜଣାପଡିଛି ।