ନୂଆଦିଲ୍ଲୀ: ଚୀନର ଆକ୍ରମଣ ଅଭିଯୋଗରେ କଂଗ୍ରେସର ପୂର୍ବତନ ଅଧ୍ୟକ୍ଷ ତଥା ୱାୟନାଡର ସାଂସଦ ରାହୁଲ ଗାନ୍ଧୀ ମୋଦି ସରକାରଙ୍କୁ ଟାର୍ଗେଟ କରିଛନ୍ତି। ରାହୁଲ ଗାନ୍ଧୀ ତାଙ୍କ ଭିଡିଓ ସିରିଜର ଚତୁର୍ଥ ଏପିସୋଡରେ କହିଛନ୍ତି ଯେ ଚାଇନିଜମାନେ ଭାରତୀୟ ଜମି ଦଖଲ କରିଛନ୍ତି। ଯେଉଁମାନେ ସତ୍ୟକୁ ଲୁଚାନ୍ତି ସେମାନେ ଦେଶବିରୋଧୀ । ଏହାକୁ ଲୋକଙ୍କ ଦୃଷ୍ଟି ଆକର୍ଷଣ କରିବା ଦେଶଭକ୍ତି ଅଟେ।
ରାହୁଲ ଗାନ୍ଧୀ କହିଛନ୍ତି, ‘ଜଣେ ଭାରତୀୟ ଭାବରେ ମୋର ପ୍ରଥମ ପ୍ରାଥମିକତା ହେଉଛି ଦେଶ ତଥା ଦେଶର ଲୋକ। ବର୍ତ୍ତମାନ ସ୍ପଷ୍ଟ ହୋଇଛି ଯେ ଚାଇନିଜ୍ ଆମ ସୀମାରେ ପ୍ରବେଶ କରିଛନ୍ତି। ଏହା ମତେ ବ୍ୟଥିତ କରିଛ । ଅନ୍ୟ ଦେଶ କିପରି ଆମ ଅଞ୍ଚଳରେ ପ୍ରବେଶ କଲା । ଯଦି ଆପଣ ଚାହୁଁଛନ୍ତି ଯେ ମୁଁ ଚୁପ ରହିବି ଓ ଲୋକଙ୍କୁ ମିଛ କହିବି ତେବେ ମୁଁ ଚୁପ୍ ରହିବି ନାହିଁ ’।
ରାହୁଲ ଗାନ୍ଧୀ କହିଛନ୍ତି ଯେ ମୁଁ ସାଟେଲାଇଟ୍ ଚିତ୍ର ଦେଖିଛି । ପୂର୍ବତନ ସେନାଅଧିକାରୀଙ୍କ ସହ ଆଲୋଚନା ମଧ୍ୟ କରିଛି । ରାହୁଲ ଗାନ୍ଧୀ କହିଛନ୍ତି, ‘ମୁଁ ଲୋକଙ୍କୁ ମିଛ କହିପାରିବି ନାହିଁ। ମୁଁ ଭାବୁଛି ଯେଉଁମାନେ ଦେଶରେ ପ୍ରବେଶ କରୁଥିବା ଚାଇନିଜ୍ ବିଷୟରେ ମିଛ କହୁଛନ୍ତି ସେମାନେ ରାଷ୍ଟ୍ରବାଦୀ ନୁହଁନ୍ତି ’। ଏହା ପୂର୍ବରୁ ରାହୁଲ ଗାନ୍ଧୀ 3ଟି ଭିଡିଓ ଏପିସୋଡ କରି ସରକାରଙ୍କୁ ଟାର୍ଗେଟ କରିଥିଲେ ।
