ପାଟନା: ପୂର୍ବତନ କେନ୍ଦ୍ରମନ୍ତ୍ରୀ ତଥା ଆରଜେଡି ନେତା ରଘୁବଂଶ ପ୍ରସାଦ ସିଂଙ୍କ ଆଜି ନୂଆଦିଲ୍ଲୀ ସ୍ଥିତ ଏମ୍ସ ମେଡିକାଲରେ ଦେହାନ୍ତ ହୋଇଛି । ତାଙ୍କ ଦେହାନ୍ତରେ ଶୋକ ପ୍ରକାଶ କରି ଲାଲୁ ପ୍ରସାଦ ଯାଦବ ଏକ ଭାବପ୍ରବଣତା ଟ୍ବିଟ କରିଛନ୍ତି ।
ଲାଲୁ ପ୍ରସାଦ ଯାଦବ ଟ୍ବିଟରେ ଲେଖିଛନ୍ତି, ‘ପ୍ରିୟ ରଘୁବଂଶ ବାବୁ, ତୁମେ କଣ କଲ? ଗତକାଲି ହିଁ ମୁଁ ତୁମକୁ କହିଥିଲି ତୁମେ କୁଆଡେ ଯିବନାହିଁ । କିନ୍ତୁ ତୁମେ ବହୁତ ଦୂରକୁ ପଳାଇଲ। ମୁଁ ନିରବ ଏବଂ ଦୁଃଖିତ। ତୁମେ ବହୁତ ମନେପଡିବ ।
ପ୍ରକାଶ ଥାଉକି, ରଘୁବଂଶ ପ୍ରଥମେ କୋରୋନାରେ ସଂକ୍ରମିତ ହୋଇଥିଲେ । ହେଲେ ପରେ ସେ ପରେ ସୁସ୍ଥ ହୋଇଥିଲେ। ଦୀର୍ଘ ଦିନ ଧରି ଦଳ ଉପରେ ଆକ୍ରୋଶ ମନୋଭାବ ରଖିଥିବା ଆରଜେଡି ନେତା ରଘୁବଂଶ ନିକଟରେ ପ୍ରାଥମିକ ସଦସ୍ୟତାରୁ ଇସ୍ତଫା ଦେଇ ଚର୍ଚ୍ଚାରେ ଥିଲେ । ତେବେ ତାଙ୍କ ଦେହାନ୍ତରେ ପ୍ରଧାନମନ୍ତ୍ରୀଙ୍କ ସମେତ ରାଷ୍ଟ୍ରପତି ଶୋକ ପ୍ରକାଶ କରିଛନ୍ତି ।
