ଚଣ୍ଡୀଗଡ଼: ରାଜ୍ୟରେ କୋରୋନା ମୁକାବିଲା କରିବାକୁ ଯାଇ ରାଜ୍ୟ ସରକାର ନେଇଛନ୍ତି ଗୁରୁତ୍ବପୂର୍ଣ୍ଣ ନିଷ୍ପତି । ପଞ୍ଜାବର ବିଭିନ୍ନ ଜେଲରେ ଥିବା 6000 କଏଦୀଙ୍କୁ ପାରୋଲରେ ଘରକୁ ପଠାଇବେ ରାଜ୍ୟ ସରକାର । ଜେଲ ମନ୍ତ୍ରୀ ସୁଖଜୀନ୍ଦର ସିଂ ରଂଧାବାଙ୍କ ଏହି ଘୋଷଣା ବିଷୟରେ ସୂଚନା ଦେଇଥିଲେ ।
ମନ୍ତ୍ରୀ ଏହି ବିଷୟରେ ବିସ୍ତୃତ ସୂଚନା ଦେବାକୁ ଯାଇ କହିଛନ୍ତି, ଭାରତର ସର୍ବୋଚ୍ଚ ଅଦାଲତଙ୍କ ପ୍ରମୁଖ ସିଚିବ, ଏଡ଼ିଜିପି, ଜେଲର ସଦସ୍ୟଙ୍କ ସହିତ ପଞ୍ଜାବ ଆଇନ ପ୍ରାଧିକରଣ ବୋର୍ଡର ଅଧ୍ୟକ୍ଷତାରେ ଏକ ବୈଠକ ବସିଥିଲା । ଏହାକୁ ନେଇ ଏକ ଉଚ୍ଚାଧିକାର କମିଟି ଗଠନ କରାଯାଇଥିଲା । କମିଟି ବିସ୍ତୃତ ଆଲୋଚନା ଏବଂ ବିଭିନ୍ନ ମାନଦଣ୍ଡକୁ ଦୃଷ୍ଟିରେ ରଖି, ଏହାକୁ ଆଲୋଚନା ପର୍ଯ୍ୟାଲୋଚନା କରି କଏଦୀ ମାନଙ୍କୁ ପାରୋଲରେ ପଠାଯିବାକୁ ନିଷ୍ପତି ନେଇଛି ।
ରଂଧାବା କହିଛନ୍ତି ସାତ ବର୍ଷର ଜେଲ ଦଣ୍ଡ ମିଳିଥିବା କଏଦୀ ମାନଙ୍କ କ୍ଷେତ୍ରରେ ଏହା ଲାଗୁ କରାଯାଇଛି । ସେମାନଙ୍କୁ 6 ମାସ ପାରୋଲରେ ଆସିବା ସହ 6 ମାସର ଜାମିନ ପ୍ରଦାନ କରିଛନ୍ତି ସରକାର । କୋଭିଡ଼ 19କୁ ପ୍ରତିହତ କରିବା ପାଇଁ ପଞ୍ଜାବ ସରକାର ଏହି ନିଷ୍ପତି ନେଇଥିବା କହିଛନ୍ତି ଜେଲ ମନ୍ତ୍ରୀ ।
ବ୍ୟୁରୋ ରିପୋର୍ଟ, ଇଟିଭି ଭାରତ
