ନୂଆଦିଲ୍ଲୀ: 6ଟି ପର୍ଯ୍ୟାୟର ମତଦାନ ସରିଛି । ବାକି ଅଛି ସପ୍ତମ ତଥା ଶେଷ ପର୍ଯ୍ୟାୟ ନିର୍ବାଚନ । ଆସନ୍ତା 19ରେ 60ଟି ଆସନରେ ଏହି ପର୍ଯ୍ୟାୟରେ ମତଦାନ ହେବ । ଆଉ ଏନେଇ ପ୍ରଚାର ଜୋରଦାର ଚାଲିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି 3 ରାଜ୍ୟରେ ପ୍ରଚାର କରିବେ ।
3 ରାଜ୍ୟର 3 ସାଧାରଣ ସଭାରେ ସାମିଲ ହେବେ ମୋଦି । ମଧ୍ୟପ୍ରଦେଶର ରତଲାମ, ହିମାଚଳପ୍ରଦେଶର ସୋଲନ ଏବଂ ପଞ୍ଜାବର ଭଟିଣ୍ଡାରେ ବିଜେପି ପାଇଁ ଭୋଟ ମାଗିବେ ମୋଦି । ଏପଟେ ଦଳର ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ ପଶ୍ଚିମବଙ୍ଗରେ 3 ସାଧାରଣ ସଭାରେ ସାମିଲ ହେବାର କାର୍ଯ୍ୟକ୍ରମ ରହିଛି ।
ସେପଟେ ପଞ୍ଜାବରେ ପ୍ରଚାର କରିବେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ । ରାହୁଲ 2 ସାଧାରଣ ସଭାରେ ସାମିଲ ହେବେ । ଦଳୀୟ ପ୍ରାର୍ଥୀଙ୍କ ପାଇଁ ଭାଟ ମାଗିବେ କଂଗ୍ରେସ ଯୁବରାଜ ।
