ନୂଆଦିଲ୍ଲୀ: ଜଷ୍ଟିସ ଶରଦ ଅରବିନ୍ଦ ବୋବଡେଙ୍କୁ ସୁପ୍ରିମକୋର୍ଟର ପ୍ରଧାନ ବିଚାରପତି କରିବାର ପ୍ରସ୍ତାବକୁ ରାଷ୍ଟ୍ରପତି ରାମନାଥ କୋବିନ୍ଦ ମଞ୍ଜୁରୀ ଦେଇଛନ୍ତି । ଜଷ୍ଟିସ ବୋବଡେ 18 ନଭେମ୍ବରରେ ସିଜେଆଇ ଭାବେ ଶପଥ ନେବେ । ବର୍ତ୍ତମାନ ସୁପ୍ରିମକୋର୍ଟର ପ୍ରଧାନ ବିଚାରପତି ରଞ୍ଜନ ଗୋଗୋଇ 17 ନଭେମ୍ବରରେ ଅବସର ନେଉଛନ୍ତି । ଜଷ୍ଟିସ ବୋବଡେ ଦେଶର 46ତମ ପ୍ରଧାନ ବିଚାରପତି ହେବେ ।
ନିୟମାନୁସାରେ ସିଜେଆଇ ରଞ୍ଜନ ଗୋଗୋଇ ଜଷ୍ଟିସ ବୋବଡେଙ୍କୁ ଦେଶର ପରବର୍ତ୍ତୀ ପ୍ରଧାନ ବିଚାରପତି କରିବାକୁ ପ୍ରସ୍ତାବ ଦେଇଥିଲେ । ଏହାକୁ ମଙ୍ଗଳବାର ରାଷ୍ଟ୍ରପତି ରାମନାଥ କୋବିନ୍ଦ ମଞ୍ଜୁରୀ ପ୍ରଦାନ କରିଛନ୍ତି । ରାମ ଜନ୍ମଭୂମି ବିବାଦରେ ଦୈନିକ ଶୁଣାଣି କରୁଥିବା ସୁପ୍ରିମକୋର୍ଟଙ୍କ 5 ଜଣିଆ ଖଣ୍ଡପୀଠରେ ଜଷ୍ଟିସ ବୋବଡେ ସାମିଲ ରହିଛନ୍ତି ।
