ନୂଆଦିଲ୍ଲୀ: ଶନିବାର ଦିଲ୍ଲୀ ବିଧାନସଭା ନିର୍ବାଚନ ଅନୁଷ୍ଠିତ ହେବ । ଏନେଇ ସମସ୍ତ ପୋଲିଂ ବୁଥରେ ପ୍ରସ୍ତୁତି ଚୂଡାନ୍ତ ହୋଇଛି । ନିର୍ବାଚନରେ ଭୋଟ ଦାନ ପାଇଁ ମୋଟ 13 ହଜାର 7ଶହ 51ଟି ପୋଲିଂ ଷ୍ଟେସନ କରାଯାଇଛି । ଯେ କୌଣସି ପରିସ୍ଥିତିର ମୁକାବିଲା କରିବା ପାଇଁ ପ୍ରଶାସନ ଓ ସୁରକ୍ଷାକର୍ମୀ ପ୍ରସ୍ତୁତ ରହିଛନ୍ତି ।
ଦିଲ୍ଲୀ ନିର୍ବାଚନ ପାଇଁ ସମସ୍ତ ପ୍ରସ୍ତୁତି ଚୂଡାନ୍ତ
13 ହଜାର 7ଶହ 51ଟି ପୋଲିଂ ଷ୍ଟେସନ ପାଇଁ 14 ହଜାର 4ଶହ 84 ବାଲଟ ୟୁନିଟ କରାଯାଇଛି । ଏହା ସହିତ ଭୋଟ ଦେବାକୁ ଆସୁଥିବା ଲୋକ ମାନଙ୍କ ପାଇଁ ଜଳ, ଶୌଚାଳୟ ଓ ବୟସ୍କ ଲୋକଙ୍କ ବିଶ୍ରାମ ପାଇଁ ବିଭିନ୍ନ ବ୍ୟବସ୍ଥା କରାଯାଇଛି । ସେହିପରି 128 ନଂ ପୋଲିଂ ଷ୍ଟେସନରେ ପ୍ରବେଶ ଠାରୁ ଆରମ୍ଭ କରି ଭୋଟ ଦାନ କକ୍ଷ ପର୍ଯ୍ୟନ୍ତ ସମସ୍ତ ବ୍ୟବସ୍ଥା କରାଯାଇଛି ।
