କୋଲକାତା: କେନ୍ଦ୍ର ସରକାରଙ୍କ ନୀତି ବିରୋଧରେ ବୁଧବାର ଟ୍ରେଡ ୟୁନିୟନ ପକ୍ଷରୁ ଆୟୋଜିତ ଭାରତ ବନ୍ଦର ପ୍ରଭାବ ଦେଶର ଅନେକ ସ୍ଥାନରେ ଦେଖିବାକୁ ମିଳିଥିଲା । ଏହାର ପ୍ରଭାବ ପଶ୍ଚିମବଙ୍ଗରେ ଅଧିକ ରହିଥିଲା । ତେବେ ଏହି ଭାରତ ବନ୍ଦ ପ୍ରଦର୍ଶନ ମଧ୍ୟରେ ପଶ୍ଚିମବଙ୍ଗର ଉତ୍ତର ପରଗନାର ଏକ ରେଲୱେ ଟ୍ରାକରୁ 4 ଅଫୁଟା ଦେଶୀ ବୋମା ଜବତ ହୋଇଛି । ଏହି ବୋମା ହରିଦୟପୁର ଷ୍ଟେସନ ନିକଟସ୍ଥ ଟ୍ରାକରୁ ଠାବ ହୋଇଛି ।
ଯେଉଁ ସ୍ଥାନରୁ ଏହି ବୋମା ଠାବ ହୋଇଥିଲା ତା'ର ନିକଟବର୍ତ୍ତୀ ଟ୍ରାକରେ ହିଁ ଭାରତ ବନ୍ଦକୁ ନେଇ ପ୍ରଦର୍ଶନ ଚାଲିଥିଲା । ବୋମା ଠାବ ହେବା ପରେ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଖେଳି ଯାଇଥିଲା । ତେବେ ପୋଲିସ ତୁରନ୍ତ ବୋମାର ଚିହ୍ନଟ କରି ତାକୁ ନିଷ୍କ୍ରିୟ କରିବାରେ ସଫଳ ହୋଇଥିଲା ।
