ଭୋପାଳ: ବହୁ ପ୍ରତୀକ୍ଷିତ ଅଯୋଧ୍ୟ ମାମଲାର ଆଜି ଚୂଡାନ୍ତ ରାୟ ପ୍ରକାଶ ପାଇବ । ପୂର୍ବାହ୍ନ ସାଢେ 10ଟାରେ ପ୍ରଧାନ ବିଚାରପତିଙ୍କ ଅଧ୍ୟକ୍ଷତାରେ 5ଜଣିଆ ଖଣ୍ଡପୀଠ ଏହି ମାମଲାର ଶୁଣାଣି କରିବେ। ତେବେ ରାୟ ଆସିବା ପୂର୍ବରୁ ସମସ୍ତ ରାଜ୍ୟରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ମଧ୍ୟପ୍ରଦେଶର ଗ୍ବାଲିୟରରେ ପୁଲିସର କଡା ନଜର ରହିଛି।
ସହରର ସମସ୍ତ ଛକ ଓ ରାସ୍ତାରେ 575 ସିସିଟିଭି କ୍ୟାମେରାକୁ ଲଗାଯିବା ସହ କଡା ପୋଲିସ ଫୋର୍ସ ମୁତୟନ କରାଯାଇଛି । କୌଣସି ଅପ୍ରୀତିକରଣ ଘଟଣା ଏଡାଇବାକୁ ପୋଲିସ ଫୋର୍ସ ଗ୍ବାଲିୟର ସହର ସହ ସୋସିଆଲ ମିଡିଆ ଉପରେ ମଧ୍ୟ କଡା ନଜର ରଖୁଛି। ଅଯୋଧ୍ୟାରେ 144 ଧାରା ଲାଗୁ କରାଯାଇଛି। ଜମ୍ମୁ-କାଶ୍ମୀର, ମଧ୍ୟପ୍ରଦେଶ, ଉତ୍ତରପ୍ରଦେଶ ଓ କର୍ଣ୍ଣାଟକରେ 3 ଦିନ ପାଇଁ ସମସ୍ତ ସ୍କୁଲ କଲେଜକୁ ବନ୍ଦ କରାଯାଇଛି।
ଭିଡିଓ ସୌଜନ୍ୟ:ଇଟିଭି ଭାରତ,ବ୍ୟୁରୋ
